Видео: инглиз клуби футболчилари жамоа мухлислари билан жанжаллашди

Англиянинг «Уотфорд» клуби мухлислари жамоанинг қониқарсиз натижаларидан норози бўлиб уларга эътироз билдиришди. «Саутҳемптон» уйида учралган мағлубиятдан (0:1) кейин меҳмонлар секторида норозилик ҳайқириқлари янгради.

Бу эса шундоқ ҳам яхши кайфиятда бўлмаган «Уотфорд» клуби футболчиларига ёқмади. Асосан уч футболчи Хосе Холебас, Кристиан Кабаселе ва Абдулай Дукуре бунга норозилик билдирди ва меҳмонлар секторига бориб мухлисларга эътироз билдира бошлади.

Айниқса Хосе Холебас мухлислардан бирини пастга чорлаб, бирга-бир муштлашмоқчи эканини ҳам билдирди. Аммо жамоадошлари ва стадион қўриқчилари катталашиб кетиши мумкин бўлган жанжалнинг олдини олиб қолишди.

«Уотфорд» бу учрашув билан қўшиб ҳисоблаганда Англия премьер-лигасининг сўнгги 11 учрашувда 8 марта мағлубиятга учради. Ўтган ҳафтада жамоа бош мураббийи Марку Силва истеъфога чиқарилиб унинг ўрнига Хави Грасия таклиф қилинганди. Грасиянинг биринчи учрашуви ҳам мағлубият билан тугади.

{Yii::t(}

Ўтказиб юбориш 6s

Ўтказиб юбориш