Қўшимча функционаллар
-
Тунги кўриниш
Ўзбекистонда куз мавсуми одатдагидан бироз илиқроқ бўлди
Ўтган ноябр ойи одатдагидан иссиқроқ, лекин аввалги йилнинг ноябридан совуқроқ бўлди. Умуман олганда, 2024 йилнинг куз фасли нормадан бироз илиқроқ бўлди, дея қайд этди Ўзгидромет.

Фото: Kun.uz
Бу йил ноябр ойи одатдагидан 1,5−2 даража илиқроқ, бироқ Ўзбекистондаги метеорологик кузатувларнинг барча йиллари учун энг илиқ бўлган ўтган йилнинг ноябридан совуқроқ (3−4 даража) бўлди.
Ўзгидромет шарҳига кўра, 2024 йил ноябрида илиқ ва совуқ тўлқинлар алмашиб турди, бироқ илиқ тўлқинлар совуқ тўлқинларга нисбатан жадалроқ ва давомийроқ бўлди. Ой ўртасида энг сезиларли, аммо қисқа муддатли совуқ (4−5 даражага) кузатилди.
Кечаси ҳаво ҳарорати мамлакатнинг аксарият ҳудудларида 0…-4 даражагача, шимолда −6…−9 даражагача пасайди.
Энг юқори ҳаво ҳарорати ойнинг биринчи беш кунида кузатилди. Кундузи ҳаво +20…+25 даражагача, айрим жойларда +27, жанубда +29…+31 даражагача исиди.
Ноябр ойида ҳароратнинг максимал ва, айниқса, минимал қийматлари ўзининг экстремал қийматларидан узоқ бўлди, дея таъкидланади шарҳда.
Бу даврда ёмғир кам ёғди. Баъзи кунларда (5−6 ноябр, 13 ноябр, 20−21 ноябр, 30 ноябр) ёмғир сезиларли жадалликда кузатилди.
Чимён, Ойгаинг ва Кул метеостанциялари маълумотларига кўра, 5−6 ноябрда ёғиб ўтган ёғингарчилик кузатувлар тарихи учун рекорд бўлган.
Умуман олганда, ой учун ёғингарчилик миқдори меъёрдан 1,5−2 марта кўп бўлган, фақат шимоли-ғарбий ҳудудларда, чўл зонасида ва энг чекка жанубда тақчиллик юз берган.
2024 йилнинг куз мавсуми республика ҳудудининг катта қисмида ҳарорат тартиби бўйича меъёрга нисбатан бироз илиқ, баъзи жойларда меъёр атрофида бўлди.
Тавсия этамиз
Уруш тақдири Аляскада ҳал бўлади – ҳафта дайжести
Жаҳон | 17:31 / 10.08.2025
Корея: Гапирилмайдиган ҳақиқатлар (2-қисм) | SUBYEKTIV
Жамият | 18:07 / 09.08.2025
Лазизбек Муллажонов биринчиси эмас. Допинг сабаб дисквалификация қилинган машҳур ўзбек спортчилари
Спорт | 20:54 / 08.08.2025
«Олтин тўп»га даъвогарлар рўйхати эълон қилинди
Спорт | 16:40 / 08.08.2025
Сўнгги янгиликлар
-
Кўрган зараримизни ким қоплайди? – Уч қаҳрамондаги талафотдан репортаж
Жамият | 15:01
-
Австралия ҳам Фаластинни тан олмоқчи
Жаҳон | 14:24
-
Ўзбекистон қурғоқчиликни бартараф қилиш учун Қозоғистонга сув юборади
Иқтисодиёт | 13:59
-
Туркияда зилзила, Тел-Авивда митинг ва келишувдан норози Эрон — кун дайжести
Жаҳон | 13:26
Мавзуга оид

21:58 / 04.11.2024
Сариқ ва қизил рангларда товланаётган Тошкент — фотожамланма

18:16 / 05.12.2023
Ортда қолган куз Ўзбекистон тарихидаги энг иссиғи бўлди

09:44 / 29.10.2023
Олтин куз тароватидан завқланаётган Тошкент – фотожамланма

12:42 / 12.09.2023