Қўшимча функционаллар
-
Тунги кўриниш
Саудия Арабистони қироли Яманда ҳалок бўлган ҳарбийлар оилаларини ҳажга таклиф этди
Фото: РИА Новости / Заман Рамазанов
Саудия Арабистони қироли Яманда президент Абду Рабб Мансур Ходий тарафида жанг қилиб ҳалок бўлган яманлик ва суданлик ҳарбийлар оилаларининг 1,5 минг аъзосини ҳаж зиёратига таклиф этиш тўғрисида фармон чиқарди. Бу ҳақда Саудия янгиликлар агентлиги хабар берди.
Ислом ишлари бўйича вазир Абдул Латиф Абдул Азиз Ал Шайхнинг сўзларига кўра, "бу фармоннинг чиқарилиши икки муқаддас масжид қўриқчиси Саудия Арабистони қиролининг мусулмонларга, айниқса, Яман ҳудуди, унинг халқи шон-шарафини ҳимоя қилишда ҳалок бўлганларнинг қариндошларига нисбатан саховатидан дарак беради".
Саудия Арабистони 2015 йилда ҳукуматни эгаллаб олган "Ансар Алла" шиалар ҳаракати исёнчиларига қарши президент Ходи тарафида Яманда ҳарбий ҳаракатлар бошлаган коалицияга бошчилик қилганди. Бу коалицияга қатор араб давлатлари қўшилган, энг кўп ҳарбийлар БАА ва Судан тарафидан юборилганди.
Мавзуга оид
13:47 / 20.07.2025
Саудияда 20 йил комада ётган шаҳзода вафот этди
20:51 / 19.07.2025
Саудия Арабистони хорижликларга кўчмас мулк сотиб олиш шартларини енгиллаштиради
15:19 / 15.07.2025
Саудия Арабистони 170 км узунликдаги осмонўпар шаҳар лойиҳасини қайта кўриб чиқмоқда
08:34 / 04.07.2025