Қўшимча функционаллар
-
Тунги кўриниш
Нетаньяху Вашингтонда Трамп билан Жўлан, Эрон ва Сурияни муҳокама қилмоқчи
Фото: REUTERS / Kevin Lamarque
Исроил бош вазири Биньямин Нетаньяху Вашингтонда АҚШ президенти Дональд Трамп билан унинг Жўлан тепаликлари бўйича декларацияси, Суриядаги вазият ва Эронга босим ўтказишни давом эттиришни муҳокама қилмоқчи. Бу ҳақда Исроил бош вазири девонхонаси маълум қилди.
"Мен Трамп билан Жўлан тепаликлари, унинг тарихий декларацияси, Сурия, Эронга босим ўтказишда давом этиш, унга қарши киритилган ва киритиладиган қўшимча санкциялар, хавфсизлик ва разведка бўйича ўртамиздаги ҳамкорлик даражаси тўғрисида суҳбатлашаман", - дея иқтибос келтирилади Нетаньяхунинг сўзларидан.
Америка президенти Дональд Трамп АҚШ учун Исроилнинг Жўлан тепаликлари устидан суверенитетини тан олиш вақти келганлигини билдирганди.
У Twitter саҳифасида Жўлан тепаликлари ўта муҳим стратегик аҳамиятга эга эканлигини, Исроил давлати ва минтақавий хавфсизлик учун муҳимлигини эътироф этди.
Ўз навбатида Исроил бош вазири Биньямин Нетаньяху Трампга Жўлан тепаликлари устидан яҳудий давлатининг суверенитетини тан олишга тайёрлиги учун миннатдорлик билдирди.
Трампнинг баёноти Биньямин Нетаньяхунинг АҚШга ташрифи ва Исроилда бўлиб ўтадиган сайловлар арафасида янгради.
Жўлан тепаликларининг Исроилга тегишли эканлигини тан олиш ҳақидаги мазкур баёнот бошқа мамлакатлар томонидан салбий қарши олинди.
Мавзуга оид
09:01 / 01.05.2025
Киев ва Вашингтон Украинани тиклаш учун инвестиция фонди тузмоқда
14:41 / 30.04.2025
Ғазода отишмалар остида тарқатилаётган таом, АҚШ ҳарбий учоғини қулатган ҳусийчилар ва «келажак шаҳри»ни тортолмаётган Саудия — кун дайжести
15:27 / 29.04.2025
Исроилга қарши суд эшитуви, Ҳиндистон ҳужумини кутаётган Покистон ва Украинада 9 май оташкесими — кун дайжести
07:30 / 29.04.2025