Геннадий Головкин яна жаҳон чемпиони бўлди

Нью-Йоркдаги Madison Square Garden аренасида ўтган бокс кечасининг бош жангида қозоғистонлик собиқ жаҳон чемпиони Геннадий Головкин украиналик Сергей Деревянченкога қарши жанг ўтказди. Жангда ўртага IBF ва IBO ташкилотларининг чемпионлик камари қўйилганди.

Жанг 12 раунд давом этган. 1-раундда Головкин рақибини енгил нокдаунга юборган, бироқ украиналик боксчи таслим бўлишни истамай GGG’га анчагина муаммолар туғдирди.

Жанг якунига кўра ҳакамлар бир овоздан ғалабани қозоғистонлик боксчига беришди. 

Таъкидланишича, икки боксчи ҳам жангдан кейин шифохонага олиб кетилган. Бу ҳақда Деревянченконинг промоутери Лу ДиБелла маълум қилган. 

Эндиликда Головкиннинг ҳисобида 42 та жангдан 40 та ғалаба, бир дурранг ва бир мағлубият бор.

What a round in the 10th! #GGGDerevyanchenko pic.twitter.com/XCAIyOgxqa

— Tim - Boxeo Boxen бокс 拳闘 Boksing มวย Boks 拳击 (@Hock1717) October 6, 2019

Бокс кечасида, шунингдек, ўзбекистонлик боксчи Исроил Мадримов навбатдаги жангида камарини ҳимоя қилди. Мадримовнинг мексикалик тажрибали Алехандро Баррерага қарши 10 раундлик жанги 5 раунддаёқ техник нокаут билан ниҳоясига етди.  

Профессионал фаолиятидаги тўртинчи жангида ҳам ғалаба қозонган (барчасида нокаут билан) Исроил Мадримов WBA Intercontinental чемпионлик камарини биринчи марта ҳимоя қилди.