Қўшимча функционаллар
-
Тунги кўриниш
НАТО Сулаймонийнинг ўлимидан кейин Ироқда ҳарбийларни ўқитишни тўхтатди
Фото: © REUTERS / West Asia News Agency/Nazanin Tabatabaee
НАТО Эрон генерали Қосим Сулаймонийнинг ўлимидан кейин Ироқдаги куч ишлатиш тузилмалари вакилларини ўқитишни тўхтатди. Бу ҳақда альянс вакили вазифасини бажарувчи Дилан Уайт маълум қилди.
"НАТО миссияси давом этади, аммо машғулотлар олиб бориш ҳозирча тўхтатилди", - дея Уайтнинг сўзларидан иқтибос келтирмоқда Франс Пресс агентлиги.
НАТО вакилининг билдиришича, альянс бош котиби Йенс Столтенберг, "сўнгги воқеалардан келиб чиқиб" АҚШ мудофаа вазири Марк Эспер билан телефон орқали мулоқот қилган.
НАТОнинг Ироқдаги миссияси Бағдоднинг илтимосига биноан мамлакат куч ишлатиш тузилмалари вакилларининг тайёргарлиги билан шуғулланади.
3 январга ўтар кечаси Бағдод аэропорти ҳудудида АҚШ авиазарбалари оқибатида Ислом инқилоби муҳофизлари корпуси (ИИМК) таркибидаги «Ал-Қудс» махсус бўлинмаси қўмондони генерал Қосим Сулаймоний ҳалок бўлди.
Эрон олий етакчиси Оятуллоҳ Али Хоминаий Ироқда генерал Қосим Сулаймоний ўлдирилгани сабабли мамлакатда 3 кунлик миллий мотам эълон қилди ва АҚШдан бунинг учун қасос олинажагини маълум қилди.
Қосим Сулаймонийнинг ўлдирилиши
Мавзуга оид
14:26 / 17.07.2025
Ироқдаги савдо марказида ёнғин: 80 га яқин киши ҳалок бўлган (видео)
18:35 / 16.07.2025
Трамп Украинага қурол ваъда қилди, аммо уни ким ва қандай етказиб бериши — тушунарсиз
21:23 / 15.07.2025
Қуролланишнинг янги даври бошланди. Ҳарбий бюджети энг катта давлатлар қайси?
00:58 / 15.07.2025