Қўшимча функционаллар
-
Тунги кўриниш
Қозоғистонлик собиқ хоккейчи АҚШдаги шаҳар мэрига айланди
Қозоғистоннинг “Барис” хоккей клубининг собиқ ўйинчиси Брэндон Боченски АҚШдаги шаҳар мэрига айланди. Унинг таъкидлашича, энди шаҳарликларни яхши томон ўзгаришлар кутмоқда.
Фото: grandforksherald.com
Қозоғистон терма жамоасининг собиқ сардори ва Нур-Султоннинг “Барис” клуби ўйинчиси бўлган Брэндон Боченски Шимолий Дакота штатидаги Гранд-Форкс шаҳри мэри учун сайловларда ғалаба қозонди. Унга сайловларга келганларнинг деярли ярми овоз берган. Бу ҳақда Grand Forks Herald нашри хабар берди.
38 ёшли Боченски 49,62 фоиз овоз олган. Шаҳарнинг амалдаги мэри Майк Браунга эса 31,81 фоиз овоз берилган. Таъкидланишича, Браун ушбу лавозимни охирги 20 йил давомида эгаллаб келган.
Янги мэр биринчи навбатда коронавирус ва унинг иқтисодий оқибатларига қарши курашишини айтган.
“5 ой давомида астойдил ишлаганингдан кейин бундай натижага хурсанд бўлиш керак. Фикримча, шаҳар ўзгаришларга тайёр эди. Бу ўзгаришларнинг барчаси яхшиликкадир”, деб таъкидлаб ўтган собиқ спортчи.
Боченски АҚШда туғилиб, Миллий хоккей лигасининг бир нечта клуби учун ўйнаган. У 2010 йилдан “Барис” учун шайба сурган. Боченски 2014 йилда Қозоғистон фуқаросига айланган ва 2016 йилги жаҳон чемпионатида Қозоғистон шарафини ҳимоялаган. Спортчи ўз фаолиятини 3 йил аввал якунлаган.
Мавзуга оид
15:38 / 26.04.2025
Трампнинг янги режаси, Путиннинг сулҳи, Киевнинг талаблари — Геосиёсий ҳафта таҳлили
13:54 / 26.04.2025
Ғарбий соҳилдаги қувғинлар, Фаластин учун курашаётган Ҳарвард ва портлатилган рус генерали — кун дайжести
12:04 / 26.04.2025
АҚШ 18 давлат билан савдо музокаралари режасини тайёрлади
11:31 / 26.04.2025