АҚШда коронавирус юқтириш ҳолатлари сони 20 миллиондан ошди

Энг кўп касалланиш ҳолатлари Калифорния (2,30 миллион), Техас (1,77 миллион), Флорида (1,32 миллион), Ню-Йорк (979 минг) ва Иллинойсда (963 минг) қайд этилган.

Фото: Reuters

АҚШда коронавирус юқтириш ҳолатлари сони 20 миллиондан ошди. Бу ҳақда Жонс Ҳопкинс университети маълум қилди.

Маълумот берилишича, мамлакатда коронавирус юқтириш билан боғлиқ 20 млн 7 мингдан ортиқ ҳолат қайд этилган, ўлимлар сони эса 346,4 мингдан ошган.

АҚШ коронавирус юқтирганлар ва ўлим ҳолатлари сони бўйича дунёда биринчи ўринда турибди.

#АҚШ #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.