Афғонистон президенти «Толибон» «Ал-Қоида» билан чуқур алоқа ўрнатганини айтди
Ашраф Ғанининг сўзларига кўра, «Толибон» Афғонистонни турли исёнчиларнинг бошпанасига айлантирмоқчи.

Фото: Anadolu Agency
«Толибон» ҳаракати «Ал-Қоида» террорчилик тармоғи ҳамда «Лашкари-тойиба» ва «Жайши Муҳаммад» террорчилик гуруҳлари билан мустаҳкам алоқа ўрнатган, деди Афғонистон президенти Ашраф Ғани.
«Толибон» «Ал-Қоида», «Лашкари-тойиба» ва «Жайши Муҳаммад» билан чуқур алоқада. «Толибон» олиб бораётган уруш ҳеч қандай диний ёки миллий асосга эга эмас. Биз яқин уч-олти ой ичида вазиятни ўзгартиришга уринамиз», — дея Ашраф Ғанидан иқтибос келтирмоқда Tolo News телеканали.
Унинг сўзларига кўра, «Толибон» Афғонистонни турли исёнчиларнинг бошпанасига айлантирмоқчи.
«Ҳукумат ҳеч қачон бунга йўл қўймайди. Мақсадимиз – Афғонистон ва унинг озодлигини, охирги 20 йилда эришилган муваффақиятларни ҳимоя қилиш», — деди у.
Bakhtar агентлигининг Афғонистон армияси қўмондонлигига таяниб хабар беришича, «Ал-Қоида» «Толибон» жангариларига мамлакатда террорчилик ҳужумларини амалга оширишда кўмак бермоқда, ўз инструкторларини жўнатмоқда.
Мавзуга оид

12:35 / 25.04.2025
Афғонистон «Ҳайратон – Мозори Шариф» темирйўли бўйича Ўзбекистон билан шартномани узайтирди

21:47 / 22.04.2025
«Толибон» энди Россияда террор гуруҳи эмас. Ҳаракат аср бошида Россияга жиҳод эълон қилганди

20:43 / 17.04.2025
Толиблар энди Россияда террорчи ташкилот деб ҳисобланмайди. Воқеалар ривожи

11:41 / 17.04.2025