Қўшимча функционаллар
-
Тунги кўриниш
Франциялик балиқчилар Ла-Маншдаги портларни тўсиб қўймоқчи
Балиқчилар портлардан ташқари, Ла-Манш остидаги туннелни ҳам тўсишади.
Фото: REUTERS/Stephane Mahe
Француз балиқчилари Франциянинг Ла-Манш каналидаги учта портини Британия кемалари учун тўсиб қўйишмоқчи. Бунга Буюк Британия уларга ҳалигача ўз ҳудудий сувларида балиқчилик қилишга лицензия бермагани сабаб, деб хабар берди CNN.
Франция денгиз балиқчилиги миллий қўмитаси норозилик акциялари Сен-Мало, Кале ва Уистреам порт шаҳарларида ўтказилишини маълум қилди. Балиқчилар портлардан ташқари, Ла-Манш остидаги туннелни ҳам тўсишади.
«Бизга садақа керак эмас, биз ўз лицензияларимизни қайтармоқчимиз», — деди қўмита президенти Жерар Ромити.
27 октябрда Франция агар Лондон Ла-Манш сувларида балиқ тутишга тўсқинлик қилишда давом этадиган бўлса, Буюк Британияга нисбатан санкциялар киритиш билан таҳдид қилганди.
Лондон май ойида Франция балиқчи кемаларига Жерси оролига яқин келишни тақиқлаганди. Тарихий жиҳатдан унинг акваторияси Франция балиқчилариники ҳисобланади.
Мавзуга оид
14:28
Ўзбекистон ва Франция ўртасида диппаспорт эгаларига виза бўйича битим имзоланди
12:39 / 30.07.2025
Франция ва Британия ортидан Малта ҳам Фаластинни тан олади
18:55 / 27.07.2025
Француз вазири яқин кунларда араб давлатлари “илк бор ҲАМАСдан қуролсизланишни талаб қилишлари”ни айтди
13:32 / 26.07.2025