Донбассда шиддатли жанглар ва ўққа тутилаётган шаҳарлар. Уруш суратлари

Украинада урушнинг 258-кунидаги асосий маълумотлар:

Украина президенти Володимир Зеленский Приморье ўлкаси губернатори Олег Кожемяконинг Россия қўшинларининг Донецк областидаги йўқотишлари приморьелик денгиз пиёдалари айтгани каби улкан эмаслиги ҳақидаги гапларини ёлғон деб атади. Кожемяко полигонда видеочиқиш қилиб, фронтда вазият оғирлиги, йўқотишлар борлиги, аммо қўшин илгарилашда давом этаётганини айтган.
Буюк Британия мудофаа вазирлиги россиялик ҳарбийлар Мариупол атрофида мудофаа истеҳкомлари ўрнатаётганини маълум қилди.
Петербургдаги ҳарбий комиссариат «Москва» крейсери ҳалокатида бедарак йўқолган ошпазга чақирув қоғози жўнатди.
Россияликлар самолёти 20 август куни британлар ва америкаликларнинг Украинада ўлжа қилинган ракеталари билан Москвадан Эронга учгани маълум бўлди. Британия нашрларига кўра, Теҳрон бу қуроллар эвазига 160 дан ортиқ дрон берган.
Аннексия қилинган Херсоннинг Россия томонидан тайинланган маъмурияти «яқин кунларда воқеалар ривожи тезлашиши» кутилаётгани, шу туфайли шаҳардан тинч аҳоли эвакуация қилинганини айтди.
Украина қуролли кучлари ва Россия қўшинлари Миколайив областининг Херсон области билан чегарасидаги Снигиревка шаҳри учун ҳал қилувчи жанг бошлади. Снигиревка Херсондан бир соатлик масофада жойлашган.
АҚШнинг БМТдаги элчиси Линда Томас-Гринфилд Киевга ташрифи давомида Американинг Киевни қўллаб-қувватлаши Украина бу урушда ғолиб бўлмагунча давом этишига ишонтирди.
Америкалик актёр Шон Пенн Киевга ўзига берилган «Оскар» ҳайкалчасини олиб келди. Володимир Зеленскийнинг айтишича, Пенн ҳайкалчани Украина қуролли кучларининг урушдаги ғалабасига қадар Киевда қолдирган.
РФ мудофаа вазири Сергей Шойгу Россияннг Украинадаги бирлашган гуруҳи қўмондонлик пунктига ташриф буюрди.

Қуйида 8 ноябр куни Украинанинг турли ҳудудларида олинган фотосуратлар.

Краматорск ўққа тутилиши оқибатлари