ЖЧ-2022. Бразилия тўплар нисбатига кўра гуруҳда 1-ўринни эгаллади, Швейцария — плей-оффга чиққан сўнгги жамоа

Жаҳон чемпионатида гуруҳ босқичи баҳслари якунланди. 

G гуруҳи сўнгги турида муддатидан аввал плей-офф йўлланмасини ҳал қилган Бразилия (6, тўплар нисбати: +2) Камерунга (4) қарши  баҳсда иккинчи таркибини туширди ва қўшиб берилган дақиқаларда дарвозасидан тўп олиб чиқди.

Швейцария (6, тўплар нисбати: +1) эса голларга бой ўйинда Сербиядан (1) устун келиб, 1/8 финалга чиққан сўнгги жамоага айланди. 

Нимчоракфиналда Бразилия 5 декабр куни Н гуруҳида 2-ўринни олган Жанубий Корея билан ўйнаса, Швейцария 6 декабр санасида ўша гуруҳ пешқадами Португалияга қарши майдонга чиқади. 

ЖЧ-2022. G гуруҳи
3-тур. 2 декабр
Сербия — Швейцария 2:3
Голлар: Митрович (26), Влаҳович (35) — Шакири (20), Эмболо (44), Фройлер (48).
Сербия – Милинкович-Савич, Велькович (Гудель, 55), Миленкович, Павлович, Костич, Милинкович-Савич (Максимович, 67), Лукич, Живкович (Радонич, 78), Тадич (Журичич, 78), Митрович, Влахович (Йович, 55).
Швейцария – Кобель, Видмер, Шер, Аканжи, Родригес, Шакири (Закариё, 69), Жака, Фройлер, Соу (Фернандеш, 68), Варгас (Фасснахт, 83), Эмболо (Окафор, 90+6).
Огоҳлантиришлар: Видмер (15), Варгас (34), Милинкович-Савич (47), Павлович (56), Райкович (66), Гудель (81), Митрович (82), Жака (90+5), Миленкович (90+5), Шер (90+9).

Камерун — Бразилия 1:0
Гол: Абубакар (90+2).
Камерун – Эпасси, Фэ, Эбосс, Ву, Толо, Кунде (Нтчам, 68), Замбо-Ангисса, Нгамале (Нгом-Мбекели, 86), Шупо-Мотинг, Абубакар, Мбемо (Токо-Экамби, 64).
Бразилия – Эдерсон, Алвес, Милитао, Бремер, Теллес (Маркиньос, 54), Фред (Гимараэс, 55), Фабиньо, Жезус (Педро, 64), Родриго (Эвертон Рибейро, 55), Мартинелли, Антони (Рафинья, 79).
Огоҳлантиришлар: Толо (6), Милитао (7), Кунде (28), Фэ (32), Абубакар (81), Гимараэс (85).
Четлатиш: Абубакар (90+3).

Шу тариқа 1/8 финалнинг барча жуфтликлари маълум бўлди:
3 декабр
20:00. Нидерландия – АҚШ
00:00. Аргентина – Австралия

4 декабр
20:00. Франция — Польша
00:00. Англия – Сенегал

5 декабр
20:00. Япония – Хорватия
00:00. Бразилия – Жанубий Корея

6 декабр
20:00. Марокаш – Испания
00:00. Португалия – Швейцария