Қўшимча функционаллар
-
Тунги кўриниш
Хоразмда банк биносида пневматик тўппонча билан қуролланган фуқаро қўлга олинди
Жорий йилнинг 11 июл куни соат 11:07 да Урганч шаҳар “Қўриқлаш” бўлимига Навоий кўчасида жойлашган “Халқ банк” филиалидан “ташвиш” сигнали келиб тушган.
Фото: Миллий гвардия
Миллий гвардия хабарига кўра, воқеа жойига зудлик билан етиб борган тезкор ҳаракатланувчи гуруҳ томонидан пневматик тўппонча билан банк биносига киришга ҳаракат қилган фуқаро қўлга олинган.
Маълум бўлишича, банк филиалида хизмат вазифасини олиб бораётган “Қўриқлаш” бўлими ходими ушбу фуқарони бинога кираверишда кўздан кечириш жараёнида пайқаб, тўхтатиб қолган ва ташвиш тугмаси орқали хабар берган.
Ўз вақтида етиб келган тезкор гуруҳ ходимлари томонидан қўлга олинган ушбу фуқаро Урганч шаҳрида яшовчи Х.А экани маълум бўлган.
Aйни вақтда мазкур ҳолат юзасидан Хоразм вилояти “Қўриқлаш” бошқармаси масъул ходимлари томонидан терговга қадар текширув ишлари олиб борилмоқда.
Мавзуга оид
14:58 / 17.07.2025
Хоразмда саксовулфурушларни таъқиб қилган инспекторлар калтакланди
10:02 / 28.06.2025
Хоразмда ФВВ тизимининг 2 нафар ходими қўлга олинди
17:14 / 26.06.2025
Сув, қуёш ва инновация: хоразмлик фермерлар қандай қилиб ҳосилдорлик ва даромадни оширмоқда?
14:12 / 25.06.2025