Афсонавий «Титаник» кемасининг аниқ нусхаси қурилади

Австралиялик миллиардер Клив Палмер ўз маблағи ҳисобига афсонавий «Титаник» кемасининг аниқ нусхасини қурмоқчи эканини маълум қилди.

Фото: Rudolph Kramer / Deutsche Fotothek

Тадбиркор лойиҳа ғоясини 12 йил аввал ўйлаб топган, бироқ уни амалга ошириш пандемия туфайли кейинга сурилган эди. «Титаник»даги ҳамма нарса, шу жумладан ички элементлардан аниқ нусха олиш режалаштирилган.

Миллиардер кемада қулайлик ва кўнгилочар тадбирларга алоҳида эътибор бермоқчи. Унинг сўзларига кўра, «Титаник II» 2027 йил июн ойида сувга туширилади. Кема биринчи «Титаник» йўналишини такрорлаш учун Англиядан Шимолий Атлантика бўйлаб Ню-Йоркка олти кунлик саёҳатга чиқади.

Лайнернинг узунлиги қарийб 700 метрни, кенглиги 33 метрни ташкил қилади. Кемада тўққизта палуба ва 835 та хона бўлади. У ерда 2 мингдан ортиқ йўловчи жойлашиши мумкин.

«Титаник II» қурилиши 2025 йилда бошланиши режалаштирилган. Клив Палмер лойиҳага 1 миллиард долларгача маблағ сарфламоқчи.

Австралиялик миллиардер, шунингдек, ҳар бир йўловчини «Титаник» давридаги либослар билан таъминлашни режалаштирган.

#Титаник #Клив Палмер