Қўшимча функционаллар
-
Тунги кўриниш
Рамзон Қодиров Ўзбекистонга амалий ташриф билан келди
Чеченистон Республикаси раҳбари Рамзон Қодиров икки давлат раҳбарлари – Владимир Путин ва Шавкат Мирзиёев иштирокида бўлиб ўтадиган Россия ва Ўзбекистон минтақалараро кенгаши йиғилишида иштирок этиш учун Чеченистон делегацияси бошчилигида Тошкентга келди.

Фото: grozny-inform.ru
Чеченистон Республикаси раҳбари мамлакатга етиб келганида Ўзбекистон бош вазири Абдулла Арипов уни самимий ва меҳмондўстлик билан кутиб олинганини таъкидлади.
«Учрашувда у Владимир Путин ва Шавкат Мирзиёевнинг сиёсий иродаси туфайли эришилган шериклик муносабатларининг стратегик хусусиятига эга эканлигини, шунингдек, халқларимиз ўртасида азалдан дўстона муносабатлар ўрнатилгани ва уни сақлаб қолиш зарурлигини таъкидлади», — деб ёзади Рамзон Қодиров ўзининг телеграм-каналида.
У Чеченистон Республикасининг биринчи президенти, Россия қаҳрамони Аҳмад ҳожи Қодиров таҳсил олгани учун чеченлар Ўзбекистонни айниқса илиқ қабул қилишини таъкидлади.
«Қадим замонлардан буён халқларимиз бир-бирига қардошдек муносабатда бўлиб келган, бундан бошқача бўлиши мумкин эмас, Владимир Путин ва Шавкат Мирзиёев раҳбарлигида ўтказилган йиғилиш мамлакатлар ўртасидаги шериклик ва дўстликни янада ривожлантиришга хизмат қилади», - деди Чеченистон раҳбари.
У давлат раҳбарлари муносабатларни мустаҳкамлашга интилаётганидан чин дилдан хурсанд эканлигини таъкидлади.
«Ишончим комилки, бизнинг ҳамкорликдаги фаолиятимиз Россия ва Ўзбекистон ўртасидаги минтақавий ҳамкорликни янги босқичга кўтаради ва ўзаро манфаатли алоқаларга хизмат қилади», - деди Рамзон Қодиров.
Мавзуга оид

09:08 / 26.07.2025
Зарема Мусаевага янги иш бўйича 4 йил қамоқ сўралди

22:01 / 25.07.2025
Рамзон Қодиров Туркияда дам олаётганда чўкиб кетишига сал қолди – ОАВ

08:26 / 01.07.2025
Чеченистонда 17 ёшли Адам Қодировнинг тўйи нишонланди. Айнан у отасининг эҳтимолий вориси сифатида кўрилади

18:00 / 05.06.2025