Жиззахда ҳаракатланиб кетаётган “Нексия-2”нинг газбаллони портлади

Портлаш оқибатида машина бўлакларга бўлиниб кетган. Унинг ҳайдовчиси ва йўловчиларининг тақдири номаълумлигича қоляпти.

Фото: Видеодан кадр

Жиззах вилоятида ҳаракатланиб кетаётган “Нексия-2” машинасининг газбаллони портлаб кетган. Вилоят ИИБ ЙҲХБ ахборот хизматининг хабар беришича, ҳодиса бугун, 28 май куни соат 13:00 ларда содир бўлган.

Ижтимоий тармоқларда тарқалган видеоларда машина бўлакланиб кетганини ва атрофда ҳатто инсон танасининг айрим қисмлари сочилиб ётганини кўриш мумкин. Машина ҳайдовчиси ва ундаги йўловчиларнинг тақдири номаълумлигича қолмоқда.

Қайд этилишича, ҳозирда машинада неча киши бўлгани ва унда кетаётган ҳайдовчи ва йўловчилар сонига аниқлик киритиш учун суриштирув ҳаракатлари олиб борилмоқда.

#Жиззах #газ баллон #Портлаш