Ўқувчиларни академик лицейларга қабул қилиш тартиби янгиланди

Абитуриентларга рўйхатдан ўтишда учтагача академик лицейнинг таълим тили бир хил бўлган биттадан мос йўналишини танлаш имконияти берилади.

Ҳукумат қарори билан қарори билан ўқувчиларни академик лицейларга қабул қилиш, уларнинг ўқишини кўчириш, қайта тиклаш ва ўқишдан четлатишнинг янги тартиби тасдиқланди.

Унга кўра:

академик лицейларга ҳужжат топширувчилар Ягона интерактив давлат хизматлари портали ҳамда Олий таълим, фан ва инновациялар вазирлигининг расмий веб-сайти орқали рўйхатдан ўтказилади. Рўйхатдан ўтиш my.edu.uz орқали ҳар йили 10 июндан 10 июлга қадар бепул рўйхатдан ўтказилади;
абитуриентларга рўйхатдан ўтишда учтагача академик лицейнинг таълим тили бир хил бўлган биттадан мос йўналишини танлаш имконияти берилади;
абитуриент ўзи танлаган ҳудудда (Қорақалпоғистон Республикаси, вилоятлар маркази ёки Тошкент шаҳрида) ташкил этиладиган кириш тест синовларида иштирок этади.

Айни кунларда кунларда академик лицейларга қабул жараёнлари давом этмоқда. 9-синфни тамомлаган ўқувчилар 10 июлга қадар my.edu.uz портали орқали онлайн рўйхатдан ўтишлари мумкин.

#ўқувчи #лицей