Фаластин расмийлари «Ал-Жазира» телеканали трансляциясини тўхтатди

Аввалроқ Исроил ҳам худди шундай қарор қабул қилган эди.

Фото: Anadolu Agency

Фаластин маъмурияти Қатарнинг «Ал-Жазира» телеканалининг трансляцияси ва бошқа фаолиятини вақтинча тўхтатди. Бу ҳақда Фаластиннинг расмий WAFA ахборот агентлиги хабар берди.

«Ал-Жазира» Фаластинда ўрнатилган қонун ва қоидаларни бузгани айтилмоқда.

Қайд этилишича, «Ал-Жазира» ўзининг «ҳуқуқий мақомини тўғриламагунча» телеканал фаолияти тикланмайди.

Таъкидланишича, бундай чорага «Ал-Жазира» телеканали Фаластиннинг ички ишларига аралашишни ташкил этувчи провокацион мазмундаги контентни тарқатгани сабаб бўлган.

Аввалроқ Исроил ҳукумати «Ал-Жазира» телеканали мамлакатдаги фаолиятини тўхтатганини маълум қилганди.

#Фаластин #Ал-Жазира