Қўшимча функционаллар
-
Тунги кўриниш
Кремль: Саудия Арабистонидаги Россия-АҚШ музокаралари мазмуни ошкор этилмайди
Музокараларда «деталлар жуда батафсил муҳокама қилингани» таъкидланмоқда.
Фото: ТАСС
24 март куни Саудия Арабистонининг Ар-Риёз шаҳрида бўлиб ўтган Россия-Америка музокараларининг мазмуни эълон қилинмайди. Бу ҳақда Россия президенти матбуот котиби Дмитрий Песков маълум қилди.
«Гап техник музокаралар ҳақида кетмоқда. Бу музокараларда деталлар жуда батафсил муҳокама қилинди, шунинг учун бу музокаралар мазмуни, албатта, ошкор этилмайди. Буни кутмаслик керак», деди Песков.
Унинг сўзларига кўра, музокаралардаги нутқлар ҳозир таҳлил қилинмоқда. Фақат кейинроқ қандайдир хулосалар ҳақида гапириш мумкин бўлади.
Аввалроқ, CBS News телеканали Россия-Америка музокаралари натижалари бўйича баёнот Москва вақти билан соат 11:00 да эълон қилиниши керак, деб ёзган эди.
Reuters нашрининг ёзишича, баёнот «ижобий» бўлиши керак. Қўшма баёнот мазмуни Москва ва Вашингтонга маъқулланиши учун юборилган.
Россия-АҚШ музокаралари 24 март куни ўтказилди. Россия президенти ёрдамчиси Юрий Ушаковнинг айтишича, музокаралар «Қора денгизда навигация хавфсизлиги» ва «Қора денгиз ташаббуси» билан боғлиқ.
Мавзуга оид
19:09 / 26.04.2025
Саудия Арабистони Ҳаж мавсумида ўзбекистонликларга электрон виза беришни тўхтатиб қўйди
15:38 / 26.04.2025
Трампнинг янги режаси, Путиннинг сулҳи, Киевнинг талаблари — Геосиёсий ҳафта таҳлили
13:54 / 26.04.2025
Ғарбий соҳилдаги қувғинлар, Фаластин учун курашаётган Ҳарвард ва портлатилган рус генерали — кун дайжести
12:04 / 26.04.2025