Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 19:33 / 09.04.2025
    3714
    3 дақиқада ўқилади

    Кривий Риҳда ракета зарбаси қурбони бўлган болалар билан видолашишди — фотолар

    Улардан энг кичиги уч ёшда эди.

    4 апрел куни кечқурун Россия армияси Кривий Риҳга ҳужум қилганди. Ракета зарбаси турар жой бинолари жойлашган микрорайонга келиб тушган: уйлар, мактаблар, дўконлар ва болалар майдончалари. Россия мудофаа вазирлиги зарба нишони гўёки украин ҳарбийлари йиғилиш ўтказаётган ресторан бўлганини маълум қилган, аммо кузатув камераларида муҳрланган кадрларда бу ерда ҳеч қандай ҳарбий бўлмаганини кўриш мумкин. Зарба оқибатида 20 киши ҳалок бўлди, шундан 10 нафари болалар; улардан энг кичиги уч ёшда, энг каттаси 17 ёшда эди. 7 ва 8 апрел кунлари қурбонларни дафн қилиш маросимлари ўтказилди. Қуйида Кривий Риҳ аҳолиси улар билан қандай хайрлашгани акс этган суратлар.

    Арина Самодина (етти ёш), Герман Триполц (тўққиз ёш) ва Радислав Яцко (етти ёш) хотирасига ўрнатилган ёдгорлик — улар Кривий Риҳдаги 41-мактаб ўқувчилари эди
    Evgeniy Maloletka / AP / Scanpix / LETA
    15 ёшли Данило Никитский ва Алина Куценколарнинг тобутлари атрофидаги оналар. Ўсмирлар учрашувга чиқишганди ва ракета зарбаси оқибатида ҳалок бўлишган. Интернетда онаси ҳалок бўлган ўғлининг қўлини силаб ўтиргани акс этган кадр тарқалганди.
    Evgeniy Maloletka / AP / Scanpix / LETA
    Данило Никитский ва Алина Куценконинг дафн этилиши
    Evgeniy Maloletka / AP / Scanpix / LETA
    Черков ходимлари Кривий Риҳда ҳалок бўлганлар хотирасига ибодат қилмоқда
    Evgeniy Maloletka / AP / Scanpix / LETA
    Тимофей Цвитканинг онаси тобут олдида. У атиги уч ёшу тўққиз ойлик эди. Тимофей бувиси билан болалар майдончасидан қайтаётганида ҳалок бўлган. Буви ҳозирда шифохонада қолмоқда.
    Evgeniy Maloletka / AP / Scanpix / LETA
    15 ёшли Никита Перекрест ва унинг амакиваччаси, 16 ёшли Константин Новикнинг тобутлари. Никитанинг отаси Украина қуролли кучларида хизмат қилади, онаси эса Костя етим қолганидан кейин уни қарамоғига олганди. РФ армияси Кривий Риҳга зарба берганида Никита ва Костя ҳовлида сайр қилиб юрганди.
    Evgeniy Maloletka / AP / Scanpix / LETA
    Никита Перекрест ва Константин Новикнинг оила аъзолари дафн маросимида
    Evgeniy Maloletka / AP / Scanpix / LETA
    #Украина #ракета зарбаси #Кривий Риҳ

    Россия-Украина уруши

    2022 йил 22 феврал куни Россия Украина чегарасидан ўтиб, қўшни мамлакатга бостириб кирди. Украина армияси жанг таклиф қилди.

    Мавзуга оид

    13:54

    Ғарбий соҳилдаги қувғинлар, Фаластин учун курашаётган Ҳарвард ва портлатилган рус генерали — кун дайжести

    11:31

    Трамп ўтган жума Россия-Украина музокаралари учун яхши кун бўлганини айтди

    19:59 / 25.04.2025

    Украина 5 минг тонна буғдой ортилган Россия кемасини ҳибсга олди

    18:33 / 25.04.2025

    МРБ директори ўринбосарининг ўғли Украинада ҳалок бўлган. У Россия томонида туриб жанг қилган