2025 йилги ROG Strix SCAR 18 шарҳи: унга тўлақонли гейминг учун жиддий қараш учун сабаблар

ASUS ROG ўзининг энг яхши Strix SCAR ўйин ноутбуклари линейкасини ривожлантиришда давом этмоқда ва 2025 йил модели геймерлар учун энг қизиқарли таклифлардан бирига айланишини ваъда қилмоқда. 2025 йилги янги ROG Strix SCAR 18 флагмани нафақат кучли “ускуналар”, балки янгиланган дизайн ва мутлақо янги совитиш тизимига ҳам эга бўлди. Материалда барча асосий хусусиятлар ҳақида умумий маълумот берилган.

Унумдорлик: бу “йиртқич” нималарга қодир?

2025 йилги ROG Strix SCAR 16 ва 18 – ўйин ноутбукидан максимал қувватни кутаётганлар хафсаласини пир қилмайди. Графикларни қайта ишлаш учун 50-серияли ноутбукларда NVIDIA GeForce RTX видеокартаси жавоб беради. Бу шуни англатадики, юқори кадрлар частотаси ва барча график эффектлар, жумладан, нурларни кузатиш орқали чиройли тасвирдан завқланиш имкониятини беради. DLSS 4 технологиялари ва кадрлар генерацияси ўйин равон бўлиши учун зарур бўлган жойларда унумдорликни оширишга ёрдам беради.

30-серия ёки ундан эски RTX видеокарталари бўлган ноутбуклардан фойдаланадиганлар учун RTX 50ʼга ўтиш сезиларли сакраш бўлади. DLSSʼсиз унумдорлик 2 баробаргача ошди. Агар топ RTX 5090ʼга DLSS 4 уланса, RTX 3080ʼга нисбатан 6 баробаргача ўсишга эришиш мумкин. Бу ҳақиқатан ҳам қулай гейминг эшикларини очади.

ROG Strix SCAR 2025ʼнинг максимал конфигурациясида Intel Core Ultra 9 275HX процессори (80 Вт гача), NVIDIA GeForce RTX 5090 видеокартаси (175 Вт гача), 64 ГБ гача DDR5 5600 МГц тезкор хотира ва тезкор PCIe Gen4 SSD таклиф этилади. Бундай қисмлар тўплами ҳар қандай ўйин ва иловаларни ҳеч қандай муаммосиз ишга тушириш имконини беради.

Яна бир муҳим жиҳат – автоном ишлаш вақтининг кўпайиши (40% гача). Энди сиз узоқроқ ўйнашингиз ёки қувватлашларсиз ишлашингиз мумкин, бу эса ноутбукни янада мобил қилади.

Совитиш тизими: қандай қилиб ноутбук қизғин ўйинлар пайтида ҳам салқинлигича қолади?

Кучли қурилма узоқ ўйин сессиялари давомида ноутбук қизиб кетмаслиги ва барқарор ишлаши учун самарали совитиш тизимини талаб қилади. ROG Strix SCAR 2025ʼда бунинг учун мутлақо янги совитиш тизими жавоб беради.

ASUS ROG муҳандислари радиаторнинг қизиқарли конструкциясини ўйлаб топишди, унда совитиш қовурғалари нафақат пастда, балки буғлатиш камерасининг юқорисида ҳам жойлашган. Бу тизимни ихчамроқ қилиш ва шу билан бирга иссиқликни самарали чиқариб ташлаш имконини берди. Корпуснинг орқа томонидаги махсус тешик орқали иссиқ ҳаво пуфлаб чиқарилади. Процессор ва видеокартадан иссиқликни яхшироқ узатиш учун эса оддий термопаста ўрнига суюқ металл ишлатилади.

Бундай совитиш тизими туфайли ноутбук 255 Вт гача иссиқликни (моделга қараб) тарқатиши мумкин, шу билан бирга у олдинги авлодларга қараганда, айниқса максимал унумдорлик режимида шовқинсизроқ ишлайди. Ичкарида чанг тўпланмаслиги учун эса махсус филтрлар ўрнатилган. Бу шуни англатадики, ноутбук узоқроқ хизмат қилади ва тез-тез тозалашни талаб қилмайди.

Дизайн ва қулайлик: янги Strix SCAR қандай кўринишга эга ва қандай ҳис қилинади?

ROG Strix SCAR 2025 ташқи томондан янада замонавий ва динамик кўринишга эга бўлди. Экран қопқоғи корпусга зич ёпишиб туради, бу эса ноутбукни янада яхлит кўрсатади. Пастки қисмидаги вентиляция тешиклари спорт автомобилининг элементлари каби кўринади ва уларга агрессивлик қўшади.

Strix сериясининг “фишка”ларидан бири бу RGB ёритиш тизимидир. Янги моделда у корпуснинг бутун периметри бўйлаб ўтади ва ўз таъбингизга кўра созлашингиз мумкин бўлган чиройли “сузувчи” ёруғлик эффектини яратади.

Топ даражали SCAR 18ʼда қизиқарли детал – қопқоқдаги AniMe Vision ёритгич тизими пайдо бўлди. Бу турли хил анимацияларни кўрсата оладиган кўплаб кичик LEDʼлардир. Шу билан бирга, ёритгичли классик ROG логотипи ҳам сақланиб қолди. Агар ёруғлик керак бўлмаса, уни ўчириб қўйиш мумкин, шунда ноутбук янада жиддийроқ кўриниш олади.

Яна бир муҳим яхшиланиш ўз ноутбукининг ички қисмларини мустақил равишда янгилашни ёқтирадиганларга тааллуқлидир. Пастки қопқоқ энди винтларсиз олинади – махсус ричагни суриш кифоя. Ичидаги қўшимча SSD ва тезкор хотира ўрнатишга мўлжалланган слотларни алмаштириш осон. Шу билан бирга, SSD слотлари махсус Q-latch қулфи билан жиҳозланган бўлиб, у тўплагични отверткасиз ўрнатиш имконини беради. Бу ҳақиқатан ҳам апгрейд жараёнини осонлаштиради.

Дисплей: кўзни қувонтирадиган тасвир

ROG Strix SCAR 2025 2.5K ўлчамли 18 дюймли IPS-дисплей билан жиҳозланган. Бу шуни англатадики, тасвир аниқ ва батафсил бўлади, бу ҳам ўйинлар, ҳам иш учун муҳимдир. Экраннинг янгиланиш частотаси 240 Гц. Экран яхши ёрқинлик, кенг ранг қамрови ва ялтирашга қарши қопламага эга. Бу шуни англатадики, тасвир ёрқин ёруғлик шароитида ҳам тўйинган ва кўзлар учун қулай бўлиб қолади. Экран атрофидаги рамкалар жуда ингичка бўлиб (NanoEdge технологияси), бу сизга дисплейда содир бўлаётган воқеаларга тўлиқ эътибор қаратиш имконини беради.

Аммо энг қизиғи ROG Nebula HDR дисплейини тўлдирувчи ACR (Adaptive Color Range) технологиясининг ўрнатилганидир. Бу йил экранга Ambient Contrast Ratio плёнкасининг иккита қўшимча қатлами қўшилди. Бу аксланишлар сонини 55% га камайтиришга ва контрастликни 4,5 марта яхшилашга ёрдам беради. Оддий қилиб айтганда, тасвир экранга ёруғлик тушаётган шароитда ҳам аниқроқ, ёрқинроқ ва ҳаётийроқ кўринади. Бу айниқса, турли ёруғлик шароитларида тез-тез ўйнайдиган ёки ишлайдиганлар учун жуда муҳимдир.

Бундан ташқари, ASUS янги ноутбукни одатда кафолат шартига кирмайдиган бузилишлардан қандай ҳимоя қилишни билади. ASUS Perfect Warranty дастури 2025 йил 1 январдан кейин сотиб олинган ASUS, ROG ва TUF ноутбукларига татбиқ этилади. Агар сиз тасодифан ноутбукни тушириб юборсангиз, унга сув тўкиб юборсангиз ёки у кучланишнинг ошиши туфайли бузилса, бу кафолат билан қопланиши мумкин. Асосий шарт – хариддан сўнг уч ой ичида ноутбукни ASUS сайтида рўйхатдан ўтказиш. Бу нохушлик юз берганда қиммат таъмирлашга пул сарфламаслик учун фойдали бўлиши мумкин.

Ноутбукни Ўзбекистондаги электроника дўконларидан, шунингдек, ASUS расмий ҳамкори: nout.uzʼдан харид қилиш мумкин.