Путин Беларуснинг дронлар учун завод қуришга тайёрлигини маълум қилди

Владимир Путин Волгоградда Александр Лукашенко билан учрашувда Россиянинг Беларусда учувчисиз учоқлар ишлаб чиқариш заводи ва тегишли лаборатория ташкил этишга тайёрлиги ҳақида гапирди.

Фото: Kristina Kormilitsyna/ITAR-TASS/IMAGO

Россия ва Беларусь Беларусь Республикасида УУА ишлаб чиқарадиган заводни биргаликда қуришга тайёр. Бу ҳақда Россия президенти Владимир Путиннинг 29 апрель, сешанба куни Беларусь етакчиси Александр Лукашенко билан Волгограддаги учрашуви чоғида қилган баёнотида айтилади.

«Биз сизнинг мутахассисларингиз ва тегишли (ишлаб чиқариш) лаборатория билан биргаликда завод пойдеворини қўйишга тайёрмиз», — дея Путиннинг сўзларини келтиради «Интерфакс». Бошқа нарсалар қаторида, Россия раҳбари Беларусь билан ўрта масофага учувчи самолётлар бўйича ҳамкорликда ишлаш истиқболларини тилга олди, дейилади хабарда.

Март ойи бошида Беларусь давлат ахборот агентлиги БелТА хабар беришича, Александр Лукашенконинг Россия УУА кўргазмасига ташрифи чоғида Россия томони Минскка Беларусда йилига 100 минг донагача қувватга эга учувчисиз учоқлар ишлаб чиқариш заводини қуришни таклиф қилган.

"Беларусда жойлашган завод тўлиқ маҳаллийлаштирилган бўлиб, барча технологик компетенциялари бу ерга олиб келинган, шу билан бирга, Россия ва бошқа мамлакатлардаги заводлар билан бир вақтда ягона технологик платформада ишламоқда. Асосий таклиф — бир йил ичида йилига 100 минг донагача маҳсулот ишлаб чиқарадиган шундай завод қуриш", деганди РФ президенти администрацияси раҳбари ўринбосари Максим Орешкин.

#Владимир Путин #Беларус