Бир қанча автовокзал ва автостанцияларга янги ном бериш таклиф этилди

Жумладан, учта автовокзал, тўққизта автостанцияга янги ном бериш таклиф этилмоқда:

- Қорақалпоғистон Республикаси, Нукус шаҳридаги «Нукус Орқа Батис» автовокзалини шаҳарнинг шимолий қисмида жойлашганлиги сабабли «Шимолий Нукус» деб қайта номлаш;

- Нукус шаҳридаги «Мега авто стар» автовокзалига жойлашган жойи бўйича «Жийдали-Бойсун» номини бериш;

- Андижон шаҳридаги «ҒАВС» автостанциясини «Андижон» деб номлаш;

- Андижон вилояти, Шаҳрихон тумани марказида жойлашган «Мустақиллик» автостанциясини «Шаҳрихон» деб қайта номлаш;

- Қашқадарё вилоятидаги «Муборак» автостанциясини мавзе номи билан «Геолог» деб қайта номлаш;

- Навоий шаҳри яқинида жойлашган ва вилоят аҳамиятига эга бўлган «Кармана» автовокзалини «Навоий» деб номлаш;

- Навоий шаҳридаги иккита «Навоий» автостанцияларини «Малика» ва «Шарқ» — массивлар номи бўйича қайта номлаш;

- Навоий вилояти, Хатирчи туманидаги автошоҳбекатларга «Чинор» номини бериш;

- Сирдарё вилояти, Гулистон шаҳридаги «Мустанг» автостанциясини «Гулистон» деб қайта номлаш;

- Термизнинг шимолий қисмидаги «Термиз» автостанциясини «Шимолий Термиз» деб номлаш;

- Сурхондарё вилоятидаги «Денов» автостанциясини мавзе номи билан «Чағониён» деб қайта номлаш.

«Географик объектларнинг номлари тўғрисида»ги Ўзбекистон Республикаси Қонунининг 41-моддасига мувофиқ географик объектларга ном бериш ва уларнинг номларини ўзгартириш тўғрисида таклифлар тайёрлаш жараёнида маҳаллий аҳолининг фикри ҳисобга олинади.