«Аҳмоқлар. Ўт очишни тўхтатиш ўлимлар бўлмаслиги учун керак» — Зеленский

Украина президенти Россия томонининг ҳалок бўлганлар жасадини йиғиб олиш учун 2-3 кунга ўт очишни тўхтатиш таклифини танқид қилди.

Фото: UNIAN

«Улар ҳалок бўлганлар жасадини жанг майдонидан олиб кетиш учун икки-уч кунлик сулҳга тайёр. Мен уларни аҳмоқлар деб ҳисоблайман. Сулҳ айнан ўлимлар бўлмаслиги учун керак. Яъни, сиз кайфиятни кўряпсиз – улар учун бу урушда фақат қисқа танаффус масаласи», — дейди Володимир Зеленский.

Украина президенти АҚШни сулҳга эришиш учун Россияга нисбатан санкция босимларини кучайтиришга чақирди, чунки «улар ҳозирча бошқа йўл билан тушунмаяпти».

Шунингдек, Зеленский Россия томонидан тақдим этилган меморандум матнини ҳали кўрмаганини, бироқ Украина делегацияси баҳоларига таяниб, «афтидан, у жиддий таклифлар эмас, балки ултиматумлар ўз ичига олган»ини таъкидлади.

Россия делегацияси раҳбари Владимир Мединский Истанбулдаги музокаралар давомида РФ Украинага фронтнинг алоҳида ҳудудларида ўт очишни «икки-уч кунга» тўхтатиш таклифини берганини маълум қилди. Бу командирлар ҳалок бўлганлар жасадларини олиб кетишлари учун керак. Мединский буни иссиқ ҳаво ва «кулранг ҳудуддаги санитария ҳолати» билан изоҳлади.

#Россия #сулҳ #Володимир Зеленский

Ғарб ва Украина Россиядан 30 кунлик оташкесим эълон қилишни талаб қилди, Путин бунга жавобан Истанбулда Россия ва Украина ўртасида тўғридан тўғри музокараларни тиклашни таклиф этди.