ЕИ ва БМТ АҚШни ХЖC судяларига қарши санкцияларни бекор қилишга чақирди

Европа Иттифоқи раҳбарияти ва БМТ Инсон ҳуқуқлари бўйича олий комиссари Фолкер Турк 6 июн, жума куни АҚШни Халқаро жиноий суд (ХЖC) Апелляция палатасининг тўрт нафар судясига қарши санкцияларни бекор қилишга чақирди, улардан икки нафари Исроил бош вазири Бинямин Нетаняҳу ва собиқ мудофаа вазири Йоавни ҳибсга олиш учун ордер бериш масаласини кўриб чиқмоқда.

«Европа комиссияси Халқаро жиноий суд ва унинг мансабдор шахсларини тўлиқ қўллаб-қувватлайди. ХЖC дунёдаги энг оғир жиноятлар учун масъул бўлганларни жавобгарликка тортади ва жабрланувчиларга овоз беради. У босимсиз ҳаракат қила олиши керак», деди Еврокомиссия раҳбари Урсула фон дер Ляйен X ижтимоий тармоғида. «Биз ҳар доим глобал адолат ва халқаро ҳуқуқни ҳурмат қилиш тарафдори бўламиз».

Европа Иттифоқининг ташқи ишлар ва хавфсизлик сиёсати бўйича олий вакили Кая Каллас ҳам судяларни ҳимоя қилиб чиқди. «ХЖС энг оғир жиноятлар олдида адолатни таъминлайди. У босимдан холи ва ўз тамойилларига содиқ қолиши керак. Биз унинг фаолиятини доимо қўллаб-қувватлаймиз ва мустақиллигини ҳимоя қиламиз», — деди у.