Биз сайт ишлашини яхшилаш ва сизга қулайлик яратиш учун cookies-файллардан фойдаланамиз. Давом этиш орқали сиз cookies-дан фойдаланишга розилик билдирасиз Махфийлик сиёсати Kun.uz
Трамп Лос-Анжелесдаги намойишларни бостиришга ҳаракат қилмоқда – фотосуратлар
Норозилик акциялари иштирокчилари мигрантларга қарши рейдларга қарши чиққан. Калифорния ҳукумати ҳам бундан норози.
Калифорнияда уч кундирки Доналд Трампнинг иммиграция сиёсатига қарши оммавий норозилик намойишлари бўлиб ўтмоқда. Тартибсизликлар Иммиграция хизмати (ICE) ходимлари ўнлаб муҳожирларни қўлга олган миграцияга қарши рейдлардан кейин бошланиб кетди. Айрим жойларда полиция билан тўқнашувлар рўй берган: Лос-Анжелесда ва унинг жанубида жойлашган Парамаунт шаҳарчасида намойишчилар ҳуқуқ-тартибот органлари автомобилларига тош ва тухумлар улоқтирган.
Полиция намойишчиларга қарши шовқинли гранаталар ва резина ўқлар қўллаган. АҚШ президенти Доналд Трамп 7 июн куни Миллий гвардияни намойишларни бостиришга жалб этишга топшириқ берди. Шу билан бирга, у буни штат ҳукумати томонидан тегишли сўровсиз амалга оширди, бу эса Лос-Анжелес мэри Карен Басс ҳамда Калифорния губернатори Гэвин Нюсомнинг норозилигини уйғотди, уларнинг иккиси ҳам Демократик партия вакиллари ҳисобланади.
Ҳарбийлар юборилиши намойишларни тўхтата олмади. Мигрантларга қарши рейдларга қарши бўлганларга шаҳарга Миллий гвардия киритилишига қарши бўлганлар ҳам қўшилди, деб ёзади CNN. Тўқнашувлар чоғида полициячилар ва журналистлар жабрланган. 8 июн куни кечқурун Лос-Анжелес полицияси бошлиғи Жим Макдоннелл намойишчилардан 10 нафари қўлга олинганини маълум қилди. «Медуза» Калифорнияда нималар бўлаётгани акс этган фотосуратларни жамлади.
Лос-Анжелесда ёнаётган машина фонида Самоа байроғига ўралган намойишчи. 2025 йил 8 июн
Daniel Cole / Reuters / Scanpix / LETAПарамаунтдаги намойишчиларни тарқатиш учун кўздан ёш оқизувчи газ қўлланган. Лос-Анжелес жанубида жойлашган ушбу шаҳар аҳолиси орасида Лотин Америкаси мамлакатларидан келганлар кўп, уларнинг баъзилари муҳожирларга қарши рейдлар пайтида қўлга олинган. 2025 йил 7 июн
Eric Thayer / AP / Scanpix / LETAПарамаунтдаги намойиш иштирокчиларидан бири кўздан ёш оқизувчи газ қўлланганидан кейин юзини сут билан ювмоқда. 2025 йил 7 июн
Apu Gomes / Getty Images / AFP / Scanpix / LETAНорозилик акцияси иштирокчилари ва ҳуқуқ-тартибот идоралари ходимлари Комптон шаҳридаги (Лос-Анжелес чеккаси) ICE мигрантларни сақлаш маркази яқинида, бу ерга рейдлар пайтида ҳибсга олинганлар жойлаштирилган. 2025 йил 7 июн
Barbara Davidson / Reuters / Scanpix / LETAНамойишчилар Комптон шаҳридаги норозилик намойишларида ҳуқуқ-тартибот идоралари ходимларига қарата петардалар улоқтирмоқда. 2025 йил 7 июн
Gina Ferazzi / Los Angeles Times / Getty ImagesЛос-Анжелесдаги норозилик акцияси иштирокчилари Waymo’нинг ҳайдовчисиз таксисига ҳужум қилмоқда. Associated Press маълумотига кўра, тартибсизликлар чоғида жами тўртта шундай автомобил йўқ қилинган. 2025 йил 8 июн
Robert Gauthier / Los Angeles Times / Getty ImagesЛос-Анжелесда полиция ва намойишчилар тўқнашуви. Бутун шаҳар маркази «ноқонуний йиғилиш жойи» деб эълон қилинди.2025 йил 8 июн
Daniel Cole / Reuters / Scanpix / LETAЛос-Анжелес шаҳри мэри ва Калифорния штати губернатори шаҳар аҳолисини намойишлар вақтида зўравонликка қўл уришдан тийилишга чақирди. «Трамп хаос бўлишини истамоқда ва у зўравонлик қилишга ундайди. Ҳуқуқ-тартибот органлари ходимларига ҳужум қиладиганлар ёки мулкка зарар етказадиганлар ҳибсга олиниши мумкин», — дея қайд этади Гэвин Нюсом. Лос-Анжелес, 2025 йил 8 июн
Eric Thayer / AP / Scanpix / LETAЛос-Анжелес марказида намойишчиларнинг ҳуқуқ-тартибот идоралари ходимлари билан тўқнашуви. Калифорния губернатори 9 июн куни Трампнинг штат расмийлари сўровисиз Миллий гвардияни жалб қилиш тўғрисидаги қарори устидан судга мурожаат қилишини айтди. 2025 йил 8 июн
Etienne Laurent / AFP / Scanpix / LETA«Трамп аралашмагунча бизда муаммо йўқ эди. Бу штат суверенитетининг жиддий бузилиши – кескинликни қўзғатиш ва ресурслар аслида керак бўлган жойдан чиқиб кетиши», — дея ёзган демократ губернатор Нюсом 9 июнга ўтар кечаси судга мурожаатини анонс қилиб. Фотода — Лос-Анжелесдаги вазият, 2025 йил 8 июн
Eric Thayer / AP / Scanpix / LETAТрамп ижтимоий тармоқлардаги саҳифаларида Миллий гвардияга Лос-Анжелесдаги «ажойиб иш» учун миннатдорчилик билдирган, губернатор ва мэрни эса «лаёқатсиз» деб атаган. «Бу бузғунчилар ва пули тўланган фитначилар уюштирган бу радикал сўл намойишларга ТОҚАТ ҚИЛМАЙМИЗ. Бундан ташқари, бундан буён намойишларда ниқоб тақишга РУХСАТ БЕРИЛМАЙДИ», — дея ёзди Трамп. Лос-Анжелес, 2025 йил 8 июн
Jae C. Hong / AP / Scanpix / LETAЛос-Анжелесдаги мигрантларни сақлаш маркази яқинидаги трассада йўл полицияси патрул машиналари ва норозилик намойишлари. 2025 йил 8 июн
Eric Thayer / AP / Scanpix / LETACNN’нинг ҳуқуқ-тартибот органларидаги манбаси намойишчилар орасида Трампнинг миграция сиёсатига қаршилар ҳам, Миллий гвардияни шаҳарга киритиш қарорига қаршилар ҳам, шунингдек атайлаб полиция билан зиддиятга киришишни истайдиган «профессионал исёнчилар» ҳам борлигини айтган. Лос-Анжелес, 2025 йил 8 июн
Mike Blake / Reuters / Scanpix / LETAОтлиқ полиция Лос-Анжелес кўчаларида. Калифорния ҳукумати тартибсизликларни мустақил бартараф эта олишини маълум қилган. Лос-Анжелес шаҳри мэр Трампнинг Миллий гвардияни жалб этиш қарорини «хавфли эскалация» деб атаган. Шу билан бирга, Карен Басс норозилик билдиришни истовчиларни, буни тинч йўл билан қилишга чақирган. Лос-Анжелес, 2025 йил 8 июн
David Swanson / Reuters / Scanpix / LETACNN’нинг ҳуқуқ-тартибот органлари ва разведка бўйича бош таҳлилчиси Жон Миллер ҳисоблашича, намойишчилар орасида «анархистлардан иборат тажрибали гуруҳлар» бўлиб, улар оломон орасига кириб, кейин провокация уюштиришнинг ҳадисини олишган. Лос-Анжелес, 2025 йил 8 июн
Etienne Laurent / AFP / Scanpix / LETAТрамп маъмуриятида «чегара ҳукмдори» лавозимини эгаллаган Том Ҳоман 7 июн куни NBC News билан суҳбатда Калифорнияда мигрантларга қарши рейдлар давом эттирилишини айтиб, ҳуқуқ-тартибот органларига халал берувчилар, жумладан штат губернатори ҳамда Лос-Анжелес шаҳри мэри ҳибсга олиниши билан таҳдид қилганди. «Мени ҳибсга ол. Кел, буни шунчаки ҳал қил. Менга барибир», — дея унга жавоб қайтарди ижтимоий тармоқларда губернатор. Фотода — Лос-Анжелес мэрияси атрофидаги баррикадалар. 2025 йил 8 июн
Etienne Laurent / AFP / Scanpix / LETAТрампнинг Миллий гвардияни жалб этиш қарорини сўнгги вақтларда АҚШ президенти билан очиқчасига низолашаётган Илон Маск ҳам қўллаб-қувватлади. Маск X ижтимоий тармоғида Трамп Калифорния губернатори ҳамда Лос-Анжелес мэридан узр сўрашни талаб қилгани ҳақидаги постни бўлишди. Шунингдек, Маск ўз лентасига вице-президент Жей Ди Вэнснинг постини жойлаштирган, сиёсатчи унда Трамп «тартибсизлик ва зўравонликларга тоқат қилмаслиги» ва «ҳозирги вазият қатъий етакчиликни талаб қилиши» ҳақида ёзганди. Фотода Лос-Анжелесдаги ҳолат, 2025 йил 8 июн
Jim Vondruska / Getty Images / AFP / Scanpix / LETA
