Қўшимча функционаллар
-
Тунги кўриниш
Навоий учун Хитойдан 42 та замонавий автобус олиб келинди
Мазкур автобуслар Кармана тумани маркази ва Навоий шаҳри барча кўчаларини қамраб олувчи йўналишларда ҳаракатланади.
Фото: Транспорт вазирлиги
Навоий шаҳри аҳолисига сифатли жамоат транспорти хизматини кўрсатиш учун Хитойдан замонавий автобуслар олиб келинди, деб хабар беради Транспорт вазирлиги.
Қайд этилишича, ушбу автобуслар «Жамоат транспорти тизимини ислоҳ қилиш чора-тадбирлари тўғрисида»ги президент қарорида белгиланган вазифалар ижроси доирасида олиб келинган.
Биринчи босқичда жорий йилнинг апрел ойида Хитойдан олиб келинган 18 та замонавий автобусларнинг «Навоий» автовокзали – вилоят Автойўл бошқармаси» ва Тинчлик қўрғони – «Малика» автостанцияси йўналишида брутто-шартнома асосида қатнови йўлга қўйилган.
Иккинчи босқич доирасида эса куни кеча вилоятга 42 та Yutong автобуслари олиб келинган.
Мазкур автобуслар Кармана тумани маркази ва Навоий шаҳри барча кўчаларини қамраб олувчи йўналишларда ҳаракатланиши ташкил этилади.
Аввалроқ Бухоро вилояти учун Хитойдан замонавий Zhongtong автобуслари харид қилингани тўғрисида хабар берилганди.
Мавзуга оид
13:59 / 05.06.2025
Қозоғистонда Ўзбекистон фуқаролари бўлган автобусда ёнғин чиқди
20:22 / 29.05.2025
Бухоро учун Хитойдан 27 та замонавий автобус харид қилинди
21:28 / 22.05.2025
Тошкентда йўловчилар автобус ҳаракатига тўсқинлик қилган автомобил ҳайдовчисини жазолади
20:24 / 20.05.2025