Қўшимча функционаллар
-
Тунги кўриниш
Эрон олий раҳбарининг маслаҳатчиси: Исроил бир қатор эронлик расмийларга таҳдид қилди
Маслаҳатчининг сўзларига кўра, Исроил таҳдидларига қарамай, халқнинг сўзсиз қўллаб-қувватлаши можаронинг боришини ўзгартирди.
Фото: Anadolu Agency
Эрон олий раҳбари оятуллоҳ Али Хоминаийнинг маслаҳатчиси ва парламент собиқ спикери Али Ларижонийнинг сўзларига кўра, Исроил ҳужумларининг биринчи кунида Эроннинг кўплаб сиёсий, ҳарбий ва хавфсизлик амалдорлари Исроилдан таҳдидлар олган.
Давлат телевидениеси орқали гапирган Ларижоний Исроилнинг мақсади нафақат сиёсий ва ҳарбий тузилмага путур етказиш, балки мамлакат раҳбарини ҳам бевосита қўрқитиш эканлигини айтди.
«Душман давлат аппаратини тартибсизлантириш учун олий даражадаги учрашув вақтида мамлакат раҳбариятига зарба беришга умид қилган. Кейинги қадам Ислом инқилоби олий раҳнамосига тўғридан тўғри таҳдид қилиш эди», — дея таъкидлади у.
Ларижонийнинг сўзларига кўра, можаро шароитида Эрон халқи ҳукуматдан юз ўгиради, деган Исроил-Америка тахминлари амалга ошмади.
«Аксинча, халқнинг бирдамлиги ва қаршилик кўрсатиши Исроилни ўз мақсадларини қайта кўриб чиқишга мажбур қилди», деди у.
Ларижонийнинг қўшимча қилишича, 21 июнгача Исроил ўз мақсадларига эриша олмаслиги маълум бўлган ва жараёнга учинчи томон воситачилари жалб қилинган.
Шунингдек, у ҳужумларнинг биринчи кунида Исроил томони Эроннинг бир қатор сиёсий, ҳарбий ва хавфсизлик амалдорларига таҳдидли хабарлар юборганини тасдиқлади.
Мавзуга оид
08:37
Исроил ОАВ: АҚШ Ғазода ўт очишни тўхтатиш учун Тел-Авивга босим ўтказишга тайёрланмоқда
08:23
АЭХА раҳбари: Эрон ядровий дастурини ҳарбий ҳаракатлар билан ҳал қилиб бўлмайди
08:05
Исроил можаро бошидан бери Ғазодаги 256 эвакуация маркази ва бошпанага ҳужум қилди
07:30