Дунё бизнеси сўнгги соатларда

Microsoft корхона ва ҳукуматларни жиддий киберҳужумлардан огоҳлантирди. Reuters’нинг ёзишича, ФҚБ сервер дастурларига фаол ҳужумлардан хабар топган. Компания ўз сайтида киберҳужумлардан ҳимояланиш учун ўрнатиш зарур бўлган дастурларни тавсия қилмоқда. Маълум бўлишича, номаълум ҳакерлар сўнгги бир неча кун ичида АҚШ ва халқаро агентликлар, бизнесни нишонга олувчи ҳужум уюштириш учун ҳаракатда.

Австралиянинг молия гиганти Macquarie компанияси янги йўналишни бошламоқда. Европадан ушбу компания 12 000 дан ортиқ ётоқхоналарни бошқарадиган иккита талабалар турар жойини сотиб олишга рози бўлди, бу секторга чет эллик инвесторларни жалб қилиш белгиси. Талабалар турар жойи кўчмас мулк бозорига айланади.

Европанинг энг катта ва арзон ташувчи авиакомпанияларидан Ryanair’нинг соф фойдаси икки бараварга ошди. Маълум бўлишича, пасха таътиллари ва ёздаги анча кўп олдиндан чипталарни бронлаш сабаб фойда ҳам кўпайган. Авиакомпания 30 июн куни якунланган биринчи чорагида 820 миллион евро (953 миллион доллар) соф фойда кўрганини маълум қилди, бу ўтган йилнинг март ойида Пасха байрами бўлган даврдаги 360 миллион евродан кўп.

Хитой дунёдаги энг катта ГЭС тўғони қуришни бошлади. Бош вазир Ли Цзян Тибет платосининг шарқий чеккасида камида 170 миллиард долларга баҳоланадиган дунёдаги энг йирик гидроэнергетика тўғони қурилиши бошланганини маълум қилган. Йилига 300 миллиард киловатт-соат электр энергияси ишлаб чиқариш қувватига эга бешта каскадли гидроэлектр станциясидан ташкил топган тўғон Буюк Британиянинг ўтган йили истеъмол қилган электр энергиясига тенг энергия беради.