Украина антикоррупция бюроси: Германия қонун «кечикишсиз» қабул қилинишини кутмоқда

Германия ҳукумати Украина Олий Радасидан НАБУ ва САП бўйича янги қонун лойиҳасини «кечикишларсиз» қабул қилишини ва имзолашини кутмоқда. Бу ҳақда Германия Ташқи ишлар вазирлиги вакили DW саволига жавобан айтиб ўтди.

Фото: DW

Германия коррупцияга қарши кураш органлари — Украина Миллий антикоррупция бюроси (НАБУ) ва Коррупцияга қарши махсус прокуратура (САП) тўғрисидаги қонун қабул қилиниши муносабати билан Украина ҳукуматининг «ўз аҳолиси ва ҳамкорларининг аниқ танқидига» муносабатини олқишлайди. Президент Володимир Зеленский томонидан тақдим этилган янги қонун лойиҳаси «биринчи тўғри қадам», деди Германия Ташқи ишлар вазирлиги матбуот котиби Мартин Гизе 30 июл, чоршанба куни Берлинда бўлиб ўтган брифингда DW мухбирининг саволига жавоб берар экан.

«Ушбу қонун лойиҳаси тезда қабул қилиниши ва кейин президент томонидан имзоланиши керак. Биз бу жараён кечиктирилмасдан ва биринчи навбатда, йўқолган ишончни тиклаш учун мазмунни сусайтирмасдан амалга ошишини кутамиз», — деди Германия ТИВ вакили.

Украина парламенти 31 июл, пайшанба куни президент Зеленский томонидан киритилган, НАБУ ва САП мустақиллигини таъминлашга қаратилган қонун лойиҳасига овоз беришни режалаштирмоқда.

22 июл куни Олий Рада томонидан қабул қилинган қонун Украинада норозилик ва Европа Иттифоқида хавотирларга сабаб бўлди. Танқидчиларнинг фикрича, у коррупцияга қарши энг юқори даражада курашиш учун мўлжалланган органларнинг ваколатларини чеклайди.

#Германия #Украина #антикоррупция