App Store dasturlar do‘koni eski dasturlardan tozalanadi

Illyustrativ surat

Apple kompaniyasi 7 sentabrda App Store dasturlar do‘konini eski va ishlamaydigan dasturlardan tozalashni boshlashini ma'lum qildi.
Do‘kon ma'muriyati barcha toifadagi dasturlarni ular soz ishlayotgani, tavsiyalarga to‘g‘ri kelishi va eskirib qolmaganiga ishonch hosil qilish uchun tekshiradi. Kompaniyada ochilmaydigan dasturlar darhol o‘chirilishi aytildi.
Agar mos kelmasliklar aniqlansa App Store rahbariyati bu dasturlar egalariga xatolarni tuzatish uchun 30 sentabrgacha vaqt beradi.
Kompaniyada ta'kidlanishicha, App Store’dan dasturlarning o‘chirilishi foydalanuvchilarning qurilmalariga o‘rnatilgan dasturlarga ta'sir qilmaydi.

#internet #Apple #App Store