Xeyli Eshborn 2 800 metr balandlikda 52 metrlik masofani bosib o‘tdi (video)

Rejissyor Stian Smestad 2 800 metr balandlikdagi Torri del Vajolet cho‘qqilari orasida tortilgan 52 metrli arqondan o‘tgan Xeyli Eshbornning ekstremal harakatini videotasvirga tushirdi. Bu haqida Gizmodo nashri ma'lum qildi.

Ekstremal harakatni amalga oshirishdan avval Eshborn rejissyorning "Qo‘rqayapsanmi?", degan savoliga Frenk Gerbertning so‘zlari bilan javob qaytardi: "Men qo‘rqishim kerak emas. Qo‘rquv - ongning qotili. Qo‘rquv - butkul yo‘q bo‘lishga olib keluvchi kichik o‘lim. Men o‘z qo‘rquvim bilan yuzma-yuz uchrashaman. Men uning ustimdan xatlab o‘tishiga imkon beraman. U ketgach, faqat men qolaman".