Madam Tyusso muzeyi Joli va Pittning birgalikda turgan mum haykalini "ajratib qo‘ydi"

Londondagi mum haykallar muzeyi Madam Tyussoda Anjyelina Joli va Bred Pitt ajrim haqida xabar berganidan so‘ng ularning haykali bir-biridan "uzoqroq masofa"ga surib qo‘yildi.

Yaqindagina OAVda aktrisaning ajrimga ariza bergani haqidagi xabarlar tarqlib ketdi. Joli o‘z qarorini "er-xotin o‘rtasidagi murosasiz farqlar" deya izohladi. Shuningdek, aktrisa suddan olti farzandni o‘zi bilan olib qolishini so‘radi. Bu holatda Pittga farzandlarini ko‘rish huqiqi beriladi va u  otalik maqomini saqlab qoladi.

"Biz kechagi xabarga tezda munosab bildirdik", — deydi muzey vakili jurnalistlarga.

Uning so‘zlariga ko‘ra, 2013 yil muzeyga o‘rnatilgan hollivud yulduzlarining mum haykali "ajratib qo‘yildi va hozir bir-biridan uzoqroq masofaga qo‘yildi".

Anjyelina Joli Bred Pittga 2014 yilning avgustida rasman turmushga chiqqan edi.  Ular  2004 yilda "Janob Smit va Smit  xonim" filmining suratga olish jarayonida tanishib qolgan va o‘sha vaqtdan beri birga yashab kelgan. 2012 yilda unashtiruv haqida e'lon qilindi. Aktyorlar juftligining oltita farzandi bor — uchta o‘z farzand va uch asrab olingan farzandlar.