Hindistondagi poyezd halokati oqibatida qurbon bo‘lganlar soni 90 nafardan oshdi

Hindiston shimolida harakatlanish chog‘ida yo‘lovchi poyezdning 14 vagoni izdan chiqib ketishi oqibatida halok bo‘lganlar soni 91 nafarni tashkil qilmoqda. Shuningdek, 150 nafardan ortiq kishi jarohatlangan.

Xabar qilinishicha, hodisa joyida qutqaruvchilar ish olib bormoqda.

«Biz tungi soat 3da qattiq silkinishdan uyg‘onib ketdik. Bir qancha vagonlar izdan chiqib, ag‘darilgan, odamlar karaxt ahvolga tushgandi. Men ko‘plab jonsiz jasadlarni ko‘rdim»,— degan halokatdan omon qolgan yo‘lovchilardan biri.

Hodisa Pukrayan shahri yaqinida ro‘y bergan. Hodisa sababi aniq emas, ba'zi manbalarga ko‘ra, relsdagi buzilishlar halokatni keltirib chiqargan.

Bundan oldinroq, ushbu hodisa 63 kishini hayotdan olib ketgani haqida xabar berilgandi.

{Yii::t(}

O'tkazib yuborish 6s

O'tkazib yuborish