Tramp tan soqchisining g‘alati qo‘li internetda bahslarga sabab bo‘ldi

Internet foydalanuvchilari AQSh prezidenti Donald Tramp inauguratsiyasi tasvirlangan videoyozuvda g‘ayritabiiy holatga guvoh bo‘lishdi. Tadbir CNN telekanali tomonidan translyatsiya qilingan.

Bir qator foydalanuvchilarning fikricha, Vashington markazidagi Pensilvaniya-avenyu bo‘ylab sayr qilgan Tramp hamda uning rafiqasi ketidan yurgan tan soqchida sun'iy qo‘l bo‘lgan. Uning ortida esa aslida qurol yashiringan bo‘lgan. Bu favqulodda holatda kerak bo‘lib qolishi mumkin. Taxminlardan biriga ko‘ra, agentning haqiqiy barmoqlari bu payt palto ostidagi to‘pponcha yoki mini-avtomat tepkisida bo‘lgan.

Video va fotosuratlarda sochi yo‘q tan soqchi uzoq muddat davomida bir xil vaziyatda turgani hamda harakatlanmaganini ko‘rish mumkin. Bu esa uning qo‘llaridan biri soxta ekani haqidagi mish-mishlarni keltirib chiqardi.

G‘arb OAVning ta'kidlashicha, o‘sha paytdagi vaziyat va Amerika poytaxtidagi norozilik namoyishlarini hisobga olsa, qo‘riqchilardan biri matbuot e'tiborini ayniqsa ko‘p tortgani tabiiy holat.

Biroq taqdim etilgan kadrlardan birida agent baribir o‘z qo‘li holatini o‘zgartirib, barmoqlarini qayirib olganini ko‘rish mumkin. Bu esa uning qo‘li haqiqiy ekanidan dalolat beradi.