Ostonadagi Suriya bo‘yicha muzokaralarda asirlar bilan almashish mexanizmi kelishib olindi

Ostonadagi Suriya bo‘yicha muzokaralarda asirlar bilan almashish mexanizmini shakllantirish, halok bo‘lganlarning jasadlarini almashish bo‘yicha band yuzasidan kelishib olindi. Bu haqda Rossiya qurolli kuchlari bosh shtabining bosh boshqarmasi boshlig‘i o‘rinbosari Sergey Afanasev ma'lum qildi. 

"Oson kechmagan uchrashuvlar davomida zo‘ravonlik bilan ushlab turilgan, avvalambor asir ayollar va bolalarni almashish mexanizmini shakllantirishga muvaffaq bo‘lindi. Bundan tashqari, qo‘shma tezkor guruh haqidagi nizomga ko‘ra, halok bo‘lganlarning jasadlari bilan almashish bandi kiritildi, bu esa, fikrimizcha, o‘zaro ishonch choralarini mustahkamlashga xizmat qiladi", deb aytgan Afanasev Moskva – Damashq – Ostona videoko‘prigi davomida.