Hindiston «Bir makon, bir yo‘l» forumini boykot qildi

Foto: Globallookpress.com
Hindiston Pekindagi «Bir makon, bir yo‘l» forumiga bormaslikka qaror qilgan. Bu haqda mamlakat tashqi ishlar vazirligiga asoslangan holda TASS agentligi xabar tarqatdi.
«Bunday loyihalar suverenitet va hududiy yaxlitlikni hurmat qilgan holda amalga oshirilishi lozim», — deyilgan TIV bayonotida.
Pekin taklif etayotgan loyihaga ko‘ra, Xitoy va Pokiston iqtisodiy yo‘lagi tashkil etiladi va bu yo‘lak Nyu-Dehli hamda Islomobod o‘rtasida bahsli hudud bo‘lib turgan Gilgit-Baltiston bo‘ylab o‘tishi rejalashtirilgan.
«Hech bir mamlakat uning suvereniteti va hududiy yaxlitligi borasidagi muhim muammolarni inkor etuvchi loyihaga rozilik bildirmaydi», — deya qayd etilgan Hindiston TIV xabarida.
Bugun Xitoy poytaxti Pekin shahrida xalqaro hamkorlik bo‘yicha «Bir makon, bir yo‘l» strategiyasi doirasidagi oliy darajadagi forum ochildi. Unda dunyoning 29 mamlakat rahbarlari ishtirok etmoqda.
Mavzuga oid

20:47 / 30.04.2025
Urushlarning o‘zgargan motivi: tashqi tahdid emas, ichki siyosiy maqsadlar

18:16 / 30.04.2025
Hindistondagi mehmonxonada yong‘in yuz berdi. Qurbonlar bor

16:55 / 30.04.2025
Pokiston tomoni Hindiston 24-36 soat ichida zarba berishni rejalashtirganini aytmoqda

16:21 / 29.04.2025