Qoʻshimcha funksionallar
-
Tungi ko‘rinish
BMT Bosh assambleyasida AQShni qo‘llab-quvvatlagan davlatlarda Yer aholisining 5 foizi yashaydi – infografika
Foto: Reuters
AQSh prezidenti Donald Trampning Al-Quds bo‘yicha qaroriga BMT Bosh assambleyasida qarshi ovoz bergan 128 davlatda yashovchi aholi soni, butun Yer kurrasida istiqomat qiluvchi insonlarning 82 foizini tashkil etadi deb yozadi Anadolu agentligi.
Al-Quds statusi himoyasini yoqlab ovoz bergan mamlakatlarda 6,187 milliard aholi yoki Yer kurrasining 7,5 milliard aholisidan 82,5 foizi yashaydi.
Al-Quds bo‘yicha rezolyutsiyaga qarshi ovoz bergan AQSh va yana sakkiz davlatda yashovchi aholining umumiy soni 380 million nafar yoki butun jahon aholisining 5,1 foizidir.
BMT Bosh assambleyasida doimiy vakillari ovoz berish jarayonida ishtirok etmagan 21 davlatning aholisi yig‘indisi 290 million kishi yoki jahon aholisining 3,8 foiziga teng.
Yana 650 million kishiga yaqin (yoki jahon aholisining 8,6 foizi) BMT Bosh assambleyasida ovoz berishda ikkilangan 21 davlatda istiqomat qiladi.
Shunday qilib, Yer kurrasida yashayotgan aholining har 10 kishisidan 8 nafari AQShning Al-Quds bo‘yicha qarorini qo‘llab-quvvatlamaydi.
Quddus Isroil poytaxti deb tan olinishi
6 dekabr kuni AQSh prezidenti Donald Tramp Quddusning Isroil poytaxti deb tan oldi. U AQSh Davlat departamentiga Tel-Avivdagi elchixonani Quddusga ko‘chirishga tayyorgarlik ko‘rishni boshlash vazifasini topshirdi.
Mavzuga oid
16:30
Tramp ma’muriyati Ozarboyjon va Markaziy Osiyoni «Ibrohim kelishuvlari»ga qo‘shmoqchi. O‘zbekiston TIV izoh berdi
13:22
Germaniya AQSh bilan kelishilgan holda Ukrainaga ikkita Patriot'ni beradi
12:49
AQSh senatorlari Ukrainaga 55 mlrd dollar ajratishni taklif qildi
11:56