Yevropa Ukraina va Rossiyani muzokaralarga taklif qildi

Yevropa komissiyasi Rossiya va Ukraina vakillarini gaz masalasi bilan bog‘liq vaziyatni muhokama qilish uchun Bryusseldagi uch tomonlama muzokaralarga taklif qildi. Bu haqda tvitterdagi o‘z sahifasida Yevropa komissiyasi vitse-prezidenti Marosh Shefchovich yozgan.

Shefchovichning bildirishicha, u Ukraina va Rossiyani gaz bo‘yicha uch tomonlama muzokaralar o‘tkazish uchun Bryusselga taklif qilgan. Uning qayd etishicha, bu «siyosiy darajada» bo‘lib o‘tadi. Shuningdek, Yevropa komissiyasi vitse-prezidentining qo‘shimcha qilishicha, muzokaralarni kelgusi yil yanvar oyida o‘tkazish rejalashtirilmoqda.

Shefchovichning qayd etishicha, uchrashuvda tijorat kompaniyalari ishtirok etadi.

Eslatib o‘tamiz, avvalroq Belarus prezidenti Aleksandr Lukashenko va Rossiya yetakchisi Vladimir Putin gaz narxi haqida tortishib qolgani xabar berilgandi.