Qoʻshimcha funksionallar
-
Tungi ko‘rinish
AQShda bir oy avval vafot etgan siyosatchi mahalliy saylovlar g‘olibi bo‘ldi
Respublikachilar partiyasining marhum vakili, bir oy avval koronavirusdan vafot etgan siyosatchi Devid Andal Shimoliy Dakota shtati qonun chiqaruvchi kengashiga saylovlarda g‘olib bo‘ldi.
Foto: Dmitriy Parshin / RIA Novosti
The Independent nashrining xabar berishicha, 55 yoshli siyosatchi oktabr boshida koronavirus infeksiyasi bilan shifoxonaga yotqizilgan. U shifoxonada 4 kun o‘tkazgach, 5 oktyabrda vafot etgan.
Biroq shtatda marhum siyosatchining o‘limidan bir necha hafta oldin muddatdan oldin ovoz berish boshlangan edi. Natijada Andal o‘zining partiyadoshi Deyv Nering bilan saylovlarda g‘olib bo‘lgan va mahalliy okrugdan qonun chiqaruvchi kengashga saylangan.
“U o‘z okrugini yaxshi ko‘rardi va uning holatini yaxshilashni istardi”, deb aytgan marhum siyosatchining onasi Pet Andal.
Endilikda Respublikachilar partiyasi Andalning o‘rniga boshqa bir siyosatchini topishiga to‘g‘ri keladi. Shu bilan birga, marhum siyosatchi egallashi kerak bo‘lgan o‘rin uchun shtatda navbatdan tashqari saylovlar o‘tkazilishi ham mumkin.
3 noyabrda AQShda umumiy saylovlar bo‘lib o‘tdi. AQSh aholisi prezident va vitse-prezident, 35 senator, vakillar palatasining barcha a'zolari, 13 gubernator va mahalliy hokimiyat idoralari vakillari uchun ovoz bergan.
AQSh-2020
Mavzuga oid
12:18
Eron AQSh ishtirokida uranni boyitish bo‘yicha konsorsium tuzishni taklif qildi
11:45
Tramp Qatarda nima qildi: milliardlik bitimlar, hashamat va AQSh prezidenti oilasining shaxsiy manfaatlari
08:59
Fuqaroni 30 ming dollar evaziga AQShga ishga yuborishni va’da qilgan shaxs ushlandi
01:09