Buyuk Britaniya mudofaa vaziri mamlakat harbiylari Afg‘onistonga qaytmasligini aytdi

Ben Uollesning fikricha, «Tolibon»ning hokimiyatni egallashi boshqa mamlakatlarga migrantlar oqimi o‘sishiga olib keladi.

Foto: oxu.az

Buyuk Britaniya o‘z harbiy kontingentini Afg‘onistonga qaytarishni mo‘ljallamayapti. Bu haqda qirollik mudofaa vaziri Ben Uolles Sky News telekanali efirida aytdi.

«Qaytib borish rejamizga kiritilmagan», dedi u bu boradagi savolga javoban.

Uning fikricha, «Tolibon»ning hokimiyatni egallashi boshqa mamlakatlarga migrantlar oqimi o‘sishiga olib keladi.

«Butun dunyo bo‘yicha afg‘onistonlik migrantlar oqimi o‘sishiga guvoh bo‘lamiz», — dedi Uolles.

Uolles 13 avgust kuni LBC radiosiga bergan intervyusida Afg‘onistonda «Al-Qoida» kuchaygan taqdirda g‘arb mamlakatlari harbiylari yana u yerga qaytishi mumkinligini aytgandi.

U avvalroq Afg‘onistondan AQSh qo‘shinlari olib chiqib ketilishini xato deb atagandi.

#Buyuk Britaniya #Afg‘oniston