Minglab odamlar Kobul aeroporti hududiga kirishga urinmoqda

Kobul xalqaro aeroporti atrofiga minglab odamlar to‘plangan, ularning aksariyati aeroport hududiga kirishga urinmoqda, deb xabar berdi pokistonlik jurnalist Vajohat Kozimiy.

«To‘planganlarning ko‘pchiligi devordan oshib o‘tishga urinmoqda. AQSh qo‘shinlari aeroport ichida, «Tolibon» tashqarisida joylashgan», — deb yozdi u Twitter’da.

Kozimiy avvalroq «Tolibon» jangarilari aeroportga yetib kelgani haqida xabar qilgandi.

Xabarlarga ko‘ra, toliblar Kobul aeroportidagi barcha reyslarni vaqtincha to‘xtatgan.