Foto: 30 yil oldin g‘arq bo‘lgan qishloq suv ostidan ko‘rinish berdi

1968 yilda Ispaniya va Portugaliya umumiy daryo Limadan Lindozo to‘g‘onini qurish uchun foydalanish haqida kelishuv imzolaganida Aseredo qishlog‘i kelajagi xavf ostida qoladi.

Kelishuv Lima qirg‘oqlaridagi qishloqlarni suv bosishi va aholini boshqa joyga ko‘chirishni nazarda tutgan.

Mahalliy qishloqlar aholisini ko‘chirish uchun Portugaliyaning EDP gidroenergetika kompaniyasi ularga pul taklif qiladi. Biroq Aseredoda yashagan ko‘pchilik odamlar dastlab o‘z uylarini tark etishni istamaydi va qarshilik ko‘rsatib, ochlik e'lon qilishdi.

Nihoyat, kompaniya aholining 51 foizini ko‘chish va pulni olishga ko‘ndiradi. Qolganlarning esa rozilik bildirishdan o‘zga chorasi qolmaydi. Qishloq suv ostida qoladi.

Aseredoliklar boshqa qishloqlar aholisi kabi o‘z uylarini umrbod tark etishga majbur bo‘ladi.

Kichik qishloqdagi uy va inshootlar xarobalari odatda suv ostiga yashiringan.

Biroq Portugaliyadagi Lindozo suv ombori suv sathi pasayganida Aseredo suv yuzasida paydo bo‘ladi.

Ko‘plab binolarning devorlari suv tufayli qulagan. Deraza romlari bo‘shab qolgan. Biroq ayrim inshootlar hayratlanarli darajada yaxshi saqlangan.

Qishloqda jami 70ta uy bo‘lgan. Ularda 120 nafarga yaqin kishi yashagan.

30 yil davomida suv ostida bo‘lganiga qaramay, qishloqda tosh devorlar bilan o‘ralgan qishloq xo‘jaligi yerlari chegaralari, shuningdek, eski yo‘l va yo‘laklar saqlanib qolgan.

Eski avtomobillar va aholiga tegishli shaxsiy buyumlar hali ham xarobalar tagida. Vaqt o‘tishi bilan metall zanglaganiga qaramay, shisha butilkalar aholi uyni tashlab ketgan kundagi kabi saqlanib qolgan.

Aseredodan tashqari, yana to‘rtta qishloq suv ostiga g‘oyib bo‘lgan.