O‘zbekistonlik og‘ir atletikachi to‘rt yilga musobaqalardan chetlashtirildi

O‘zbekiston Milliy antidoping agentligi huzuridagi Axloq komissiyasining qaroriga ko‘ra, sportchi Maftuna Ismoilovadan (sport turi – og‘ir atletika) 2021 yil noyabr oyida musobaqadan tashqari davrda olingan doping-sinamasidan taqiqlangan «Oksandrolon» va «Stanozolol» moddalari aniqlangan.

Shu bois, Butunjahon antidoping kodeksining 2.1-moddasida ko‘zda tutilgan antidoping qoidabuzarligi uchun u 2021 yil 23 dekabrdan boshlab 2025 yil 22 dekabrga qadar, 4 yil muddatga diskvalifikatsiya qilindi.

Avvalroq, o‘zbekistonlik yunon-rum kurashchisi Sultonbek Elmurodov doping tufayli to‘rt yilga musobaqalardan chetlashtirilgandi.

Sultonbek Elmurodovdan 2021 yil oktabr oyida musobaqadan tashqari davrda olingan doping-sinamasidan taqiqlangan «Furosemid» moddasi aniqlangan.