Kiyevda havo hujumidan ogohlantiruvchi sirena chalindi. Qochish mumkin bo‘lgan metro stansiyalari e’lon qilindi

Ukraina poytaxti Kiyevda havo hujumidan ogohlantiruvchi trevoga sirenasi chalindi. Bu holat tasvirlangan videolar Ukraina OAVsida tarqaldi.

Foto: RIA Novosti

Kiyev meriyasi saytida shahar aholisiga murojaat paydo bo‘ldi. Unda «Beresteyska», «Nivki», «Svyatoshin» va «Jitomirska» metro bekatlari poyezdlarni qabul qilmasligi, ulardan odamlar bombadan boshpana sifatida foydalanishi mumkinligi aytilgan.

Boshqa stansiyalar esa ishlashda davom etmoqda. Kiyev meriyasi metro bombadan yashirinish uchun doimiy ochiq bo‘lishini ma’lum qilgan.

Oldinroq Ukrainaning Xarkov viloyatida havo zarbalari berilayotgani xabar qilingandi.

#Ukraina #havo hujumi