Andijonda 10 metrlik kanalizatsiya qudug‘iga tushib, hushini yo‘qotgan ikki kishi qutqarildi
Kecha, 21 iyul kuni soat 13:45 da Andijon shahar Y.Otabekov ko‘chasida joylashgan chuqurligi 10 metr bo‘lgan yerosti quvuri (kanalizatsiya)ga 2 nafar fuqaro ta’mirlash maqsadida tushib, chiqa olmayotgani haqida viloyat FVBga xabar kelib tushgan.

Foto: FVV matbuot xizmati
Favqulodda vaziyatlar vazirligi xabariga ko‘ra, aytilgan manzilga FVV qutqaruvchilari yetib borgan vaqtda quduq ichiga tushgan fuqarolarning sog‘lig‘i yomonlashib, hushini yo‘qotgani ma’lum bo‘lgan.
Qutqaruvchilar tezkorlik bilan maxsus qutqaruv anjomlari yordamida ularni quduqdan olib chiqib, birinchi tibbiy yordam ko‘rsatgan. Shundan so‘ng malakali tibbiy yordam ko‘rsatish uchun tez tibbiy yordam orqali davolash muassasasiga yuborilgan.
Favqulodda vaziyatlar vazirligi kanalizatsiya quduqlariga o‘zboshimchalik bilan tushish hayot uchun xavfli ekani haqida eslatib o‘tgan. Bildirilishicha, bu faqat mutaxassislar tomonidan xavfsizlik qoidalariga rioya qilgan holda amalga oshiriladi.
Mavzuga oid

11:58 / 25.04.2025
“Efirda uzilish va qotish bo‘lgan” – Samarqand va Andijondagi attestatsiya jarayonlari yuzasidan munosabat bildirildi

17:40 / 24.04.2025
Andijonda zilzila yuz berdi

09:04 / 18.04.2025
40 mlrd so‘mlik kuchli ta’sir qiluvchi moddani olib kirmoqchi bo‘lganlar ushlandi

20:21 / 16.04.2025