«Schyotchik»ni qiyoslashdan o‘tkazishda davlat xizmati uchun yig‘im undiriladi

Hisobga olish uskunalarini qiyoslovdan o‘tkazish bo‘yicha davlat xizmatlari faqat Davlat xizmatlari markazi yoki YaIDXP (my.gov.uz) orqali amalga oshiriladi.

Foto: Kun.uz

“Davlat xizmatlari yangiliklari” kanalida yozilishicha, bunda hisobga olish uskunalarini qiyoslash davriyligi: yuridik shaxslar uchun – 4 yil; jismoniy shaxslar uchun – 8 yilni tashkil etadi.

Hisoblagichni qiyoslashdan o‘tkazish davlat xizmatini ko‘rsatganlik uchun quyidagicha yig‘im undiriladi:

jismoniy shaxslardan (maishiy ehtiyojlar uchun elektr energiyasidan foydalanuvchi jismoniy shaxslardan tashqari) - 60 ming so‘m;

hududiy elektr tarmoqlari korxonasidan (maishiy ehtiyojlar uchun elektr energiyasidan foydalanuvchi jismoniy shaxslar uchun) - 45 ming so‘m;

yuridik shaxslardan - 450 ming so‘m miqdorida.

«Ijtimoiy himoya yagona reyestri» axborot tizimida ro‘yxatga olingan shaxslarga, I va II guruh nogironligi bo‘lgan shaxslarga belgilangan yig‘im 50 foizi miqdorida chegirma qo‘llaniladi.

#yig‘im #schyotchik