Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • Jahon | 15:42 / 17.10.2022
    32286
    5 daqiqa o‘qiladi

    O‘lja qilingan tankdagi ukrain askarlari va Kiyevdagi vayrongarchiliklar. Urush suratlari

    Qrim ko‘prigidagi portlashdan keyin Rossiya muntazam ravishda Kiyevni o‘qqa tuta boshladi - bunaqasi urushning ilk kunlaridan buyon kuzatilmagandi. Shaharning ko‘rinishi hozir qanday?

    Ukraina va Rossiya kuchlari parallel ravishda hujumlarni davom ettirmoqda: Ukraina armiyasi — Xarkiv va Luhansk oblastlari chegarasida, vagnerchilar — Donetsk oblastidagi Baxmutga yurish qilmoqda. 16 oktyabr kuni Belgorod oblasti ma’muriyati bir kun oldin harbiy poligonda ommaviy qotillik ro‘y bergani haqida xabar berdi. RF mudofaa vazirligiga ko‘ra, 11 kishi halok bo‘lib, 15 kishi yaralangan. Ammo SOTA nashri guvohlarga tayanib 22 qurbon va 16 yarador haqida xabar bergan. Amerikadagi Urushlarni tadqiq etish institutiga ko‘ra, Rossiya ukrainlarni bosib olingan hududlardan chiqarib, bu yerlarga RF fuqarolarini joylashtirish orqali etnik tozalash o‘tkazmoqda.

    Quyida 16 oktyabr, urushning 235-kunida Ukrainaning turli hududlarida olingan suratlar.

    Donetsk ma’muriyati binosidagi vayrongarchiliklar

    16 oktyabr tongida Donetskdagi rossiyaparast rasmiylar shahar ma’muriyati sifatida foydalanadigan bino o‘qqa tutildi. RIA Novosti «DXR» vakolatxonasiga tayanib xabar berishicha, hujum ukraina qo‘shinlari tomonidan amalga oshirilgan.
    Alexander Ermochenko / Reuters / Scanpix / LETA
    Donetskdagi ma’muriyat binosiga raketa kelib tushishidan keyin yuzaga kelgan yong‘inni o‘chirish jarayoni. «DXR» rasmiylariga ko‘ra, binoga HIMARS baravar o‘t ochish reaktiv tizimi raketasi kelib urilgan, portlash bino derazalarini to‘kib tashlagan, uchta mashina yonib ketgan, ikki kishi jarohatlangan. Ukraina qurolli kuchlari Bosh shtabi bu vaziyatga izoh bermadi.
    Leon Klein / Anadolu Agency / ABACAPRESS / ddp images / Vida Press
    Shahar ma’muriyati binosidagi zallardan birida hujum oqibatlari
    Yegor Aleyev / TASS

    Ozod etilgan Kupyanskda Ukraina bayrog‘i ranglaridagi graffitilar

    Xarkiv oblastining Kupyansk shahrida o‘q va raketa parchalari izlari qolgan devorga surat chizayotgan ukrainalik. Ushbu sh​​​​​​ahar fevral oyidayoq Rossiya qo‘shinlari tomonidan bosib olingandi. 10 sentabr kuni Kupyansk uzra yana Ukraina bayrog‘i ko‘tarildi.
    Vyacheslav Madiyevskyy / Reuters / Scanpix / LETA
    Kupyanskdagi uylardan biri devoriga Ukraina bayrog‘i ranglarida graffiti chizayotgan ko‘cha rassomlari.
    Sergey Kozlov / EPA / Scanpix / LETA
    Ukraina qurolli kuchlari askari va ko‘cha rassomi shahar nomini ukrain tilida qayta yozmoqda. Rossiyaliklar Kupyansk istilosi chog‘ida nomni ruschada yozib qo‘yishgandi.
    Sergey Kozlov / EPA / Scanpix / LETA

    O‘lja qilingan tankdagi ukrain askarlari 

    Kupyansk yaqinida rossiyaliklardan o‘lja qilib olingan tankda ketayotgan ukrain harbiylari
    Clodagh Kilcoyne / Reuters / Scanpix / LETA
    Ukrain harbiylari rossiyaliklar tankidan quvvatlash uchun akkumulyatorni chiqarib olishmoqda
    Clodagh Kilcoyne / Reuters / Scanpix / LETA
    Ukraina harbiylari o‘lja qilib olingan rus tankini payqab qolmasliklari uchun shox-shabbalar bilan bekitmoqda.
    Clodagh Kilcoyne / Reuters / Scanpix / LETA

    Kiyevda bir hafta oldingi raketa zarbalari oqibatlari

    Taras Shevchenko universiteti qoshidagi Maksimovich ilmiy kutubxonasi zali. 10 oktyabr kuni Rossiya qo‘shinlari Kiyev va Ukrainaning boshqa ko‘plab shaharlariga hujum qilgandi. Poytaxtdagi universitet binosi ham o‘qqa tutildi. Ilmiy kutubxona zali ayniqsa jiddiy zarbaga uchragan: zal portlash nuqtasiga juda yaqin joyda, bino burchagida joylashgan.
    Andre Luis Alves / Anadolu Agency / ABACAPRESS / ddp images / Vida Press
    Taras Shevchenko parkiga raketa tushganidan keyin hosil bo‘lgan o‘rada o‘ynayotgan bolalar. 10 oktyabr kuni shahar markazdagi suv ta’minoti tarmog‘i, 101 Tower biznes markazi binosi va «Klichko ko‘prigi» deb ham nomlanuvchi piyodalar va velosiped ko‘prigi shikastlangandi.
    Metin Aktas / Anadolu Agency / ABACAPRESS / ddp images / Vida Press
    Kiyevda zarbalar oqibatida shikastlangan trotuar va graffiti
    Metin Aktas / Anadolu Agency / ABACAPRESS / ddp images / Vida Press
    Kiyevliklar havo trevogasi vaqtida yana metroga tushib bekinmoqda. 
    Ivan Lyubysh-Kirdey / Reuters / Scanpix / LETA

     

    #Ukraina #urush suratlari

    Rossiya-Ukraina urushi

    2022 yil 22 fevral kuni Rossiya Ukraina chegarasidan o‘tib, qo‘shni mamlakatga bostirib kirdi. Ukraina armiyasi jang taklif qildi.

    Mavzuga oid

    20:12

    AQSh Zelenskiyning NATO sammitiga taklif etilishiga qarshi - ANSA

    13:07

    Kellog: AQSh Ukrainada Yevropa kuchlarini joylashtirishni muhokama qilmoqda

    12:23

    Peskov: Rossiya delegatsiyasi muzokaralar uchun 15 may kuni Istanbulga boradi

    12:15

    Emmanuel Makron: Parij Ukraina armiyasini kuchaytirishda davom etadi