Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • Jahon | 15:50 / 16.11.2022
    24034
    5 daqiqa o‘qiladi

    Ukraina bo‘ylab raketa zarbalari, Xersonda istilo izlari. Urush suratlari

    15 noyabr kuni Rossiya armiyasi Ukrainaning yirik shaharlaridagi muhim infratuzilma obektlarini o‘qqa tutdi, buning natijasida «Ukrenergo» butun mamlakat bo‘ylab elektrni uza boshladi, ma’lum qilinishicha, shu kungi zarbalar «energetika tarixidagi eng yirik hujum bo‘lgan». Ukraina qurolli kuchlariga ko‘ra, ukrain shaharlariga jami yuzga yaqin raketa uchirilgan. Shu kuni Polshaning Ukraina bilan chegara hududiga raketa kelib tushdi, dastlab bu rossiyaliklar raketasi ekani aytildi. RF mudofaa vazirligi bu hududga zarba bermaganini ma’lum qildi va bu haqdagi xabarlarni provokatsiya deb atadi. AQSh prezidenti Jo Bayden raketa Rossiya hududidan uchib kelgani ehtimoli kamligini aytdi. Keyinroq Amerika ma’muriyati mulozimlari Associated Press muxbiriga Polsha hududiga qulagan raketa rossiyaliklarning yaqinlashib kelayotgan raketasini urib tushirish uchun ukrainlar havo hujumidan mudofaa tizimidan uchirilgani taxmin qilinayotganini aytdi. Ukrainlar Bryansk oblastidagi Shebekino shahrini o‘qqa tutishi oqibatida to‘rt kishi halok bo‘ldi.

    Quyida 15 noyabr, urushning 265-kunida Ukrainaning turli hududlarida olingan suratlar.

    Kunning asosiy voqeasi. Ukraina bo‘ylab raketa zarbalari 

    Rossiyaliklar zarbalari vaqtida yerosti o‘tish yo‘liga yashirinayotgan kiyevliklar
    Sergei Supinsky / AFP / Scanpix / LETA
    Rossiya raketa zarbasi oqibatida Kiyevdagi turar joy binolaridan birida chiqqan yong‘inni o‘chirayotgan o‘t o‘chiruvchi
    Oleksandr Gusev / Reuters / Scanpix / LETA
    Rossiya raketasi kelib tushgan uy oldidagi o‘t o‘chiruvchilar, Kiyev
    Oleksandr Gusev / Reuters / Scanpix / LETA
    O‘t o‘chiruvchilar Kiyevning Pecher rayonidagi turar joy binolariga zarba kelib tushishi oqibatida chiqqan yong‘inni o‘chirmoqda. «Raketa kelib tushgan uylardan birida qutqaruvchilar bir kishining jasadini aniqlashdi. Qutqaruv-qidiruv ishlari davom etmoqda», — dedi 15 noyabr kun Kiyev meri Vitaliy Klichko.
    Ukraina DFVX  / Anadolu Agency / ABACAPRESS / ddp images / Vida Press
    Kiyevda elektr o‘chirilishi. Ko‘p qavatli uylar aholisi kvartiralarini sham va chiroqlar bilan yoritmoqda. Prezident ofisi rahbari o‘rinbosari Kirill Timoshenko rossiyaliklarning 90 raketasidan 70 tasi urib tushirilgani, ammo infratuzilma obektlariga kelib tushgan zarbalar oqibatida 7 milliondan ortiq ukrainalik toksiz qolganini aytdi.
    Andrew Kravchenko / AP / Scanpix / LETA
    Lviv shahri aholisi bombapanagohdagi smartfon chiroqlari bilan yoritilgan stolda karta o‘ynamoqda
    Mykola Tys / EPA / Scanpix / LETA
    Elektr ta’minotidan uzilgan tungi Lvivning ko‘rinishi.
    Vladyslav Musiienko / Reuters / Scanpix / LETA

    Xersonda Rossiya istilosi vaqtida halok bo‘lganlarning jasadlarini qidirish

    Ukrainalik harbiylar Xerson oblastining Aleksandrovka posyolkasida rossiyaliklar istilosi chog‘ida halok bo‘lgan kishi jasadini yuklashmoqda. Harbiylarning jasadlari alohida belgi qo‘yilgan qoplarga solinadi. Yetti oydan oshiq davom etgan istilodan keyin, 10 noyabr kuni ushbu posyolka Ukraina nazoratiga qaytdi. Xalq deputati Oleksiy Goncharenko Aleksandrovka istilodan keyin vayron bo‘lgani, ko‘chalarda yonib ketgan texnika va mashinalar qolgani, posyolkani aholi tark etganini xabar qilgan.
    Federico Quintana / SIPA / Scanpix / LETA
    Ukrainalik harbiylar Aleksandrovkada jasadlarni olib ketishmoqda
    Federico Quintana / SIPA / Scanpix / LETA
    Aleksandrovkada qopga solingan jasad va o‘qqa tutilgan avtomobil
    Federico Quintana / SIPA / Scanpix / LETA
    Aleksandrovkada asfaltda qolgan jasad konturi
    Federico Quintana / SIPA / Scanpix / LETA

    Xarkiv va Chornobayivkada Rossiya istilosi izlari 

    Xarkiv oblastining Volchansk shahrida qamoqxona sifatida foydalanilgan binoda rossiyalik harbiylar tomonidan qo‘lga olingan mahalliy aholi vakillari qoldirgan yozuvlar. OAV xabariga ko‘ra, mahalliy agregat zavodi hududida qamoqxona tashkil etilgan. Ukrain kuchlari Volchanskni sentabr oyi o‘rtalaridagi qarshi hujum davomida ozod etishgan.
    Sergey Kozlov / EPA / Scanpix / LETA
    Rossiya kuchlari Xersondan chekingach, tergov izolyatori hududida rossiyalik harbiy xizmatchilar tomonidan o‘g‘irlangan kir yuvish mashinalari, unitazlar va muzlatkichlar topildi.
    Valentyn Ogirenko / Reuters / Scanpix / LETA
    Ukrain harbiylari Chornobayivka qishlog‘ida zarbaga uchragan rossiyaliklar tankini ko‘zdan kechirmoqda. Noyabr oyi o‘rtalarida Ukraina qurolli kuchlari uzoq davom etgan janglardan keyin ushbu hududni o‘z nazoratiga qaytardi.
     Efrem Lukatsky / AP / Scanpix / LETA
    #Ukraina #urush suratlari

    Rossiya-Ukraina urushi

    2022 yil 22 fevral kuni Rossiya Ukraina chegarasidan o‘tib, qo‘shni mamlakatga bostirib kirdi. Ukraina armiyasi jang taklif qildi.

    Mavzuga oid

    22:43 / 11.05.2025

    «Payshanba kuni Turkiyada kutaman». Zelenskiy Putinni shaxsan uchrashishga taklif qildi

    19:29 / 11.05.2025

    Erdo‘g‘an Turkiya Rossiya va Ukraina muzokaralarini qabul qilishga tayyor ekanini aytdi

    18:41 / 11.05.2025

    Germaniya kansleri Ukrainaga yetkaziladigan qurol-yarog‘larga oid ma’lumotlarni maxfiylashtirdi

    16:31 / 11.05.2025

    Sulh o‘rniga – Istanbulda yangi muzokaralar. Putin G‘arbning 30 kunlik otashkesim bo‘yicha taklifiga qanday javob qaytardi?