Qoʻshimcha funksionallar
-
Tungi ko‘rinish
Duda: yaqinda Ukraina va Polsha o‘rtasida chegara qolmaydi
Bu Ukraina Yevropa Ittifoqi a’zosi bo‘lganidan keyin yuz beradi.
Foto: AFP
Polsha prezidenti Anjyey Duda yaqin orada Ukraina va Polsha o‘rtasida chegara qolmasligiga ishonch bildirdi. Uning so‘zlarini RIA Novosti keltirmoqda.
«Umid qilamanki, urushdan keyin Polsha va Ukraina o‘rtasida jismoniy chegara qolmaydi», dedi Polsha rahbari Polsha-Ukraina iqtisodiy forumida.
Dudaning qayd etishicha, bu Ukraina Yevropa Ittifoqi a’zosi bo‘lganidan keyin yuz beradi.
«Odamlar Ukrainadan Polshaga borganida, bu chegara bir paytlar qayerda bo‘lganini umuman bilmaydilar», dedi u.
Eslatib o‘tamiz, avvalroq Ukraina prezidenti Volodimir Zelenskiy Duda bilan bo‘lib o‘tgan matbuot anjumanida kelajakda ikki davlat o‘rtasida, jumladan, tarixiy chegaralar ham bo‘lmasligini aytgan edi.
5 aprel kuni Zelenskiy Varshavaga urush boshlanganidan beri ilk marta bordi. Ukraina prezidenti devoni rahbari o‘rinbosari Igor Jovkva ta’kidlaganidek, uning tashrifining asosiy mavzusi Varshavadan Kiyevga harbiy yordam ko‘rsatish masalasini muhokama qilish bo‘ladi.
Mavzuga oid
20:47
Tramp Rossiya va Ukraina o‘rtasida doimiy sulh bo‘lishini istaydi – Oq uy
20:37
Ukraina TIV Putin tomonidan e’lon qilingan otashkesim bo‘yicha izoh berdi
16:59
Kiyev sudi Ukraina sobiq prezidenti Viktor Yanukovichni sirtdan 15 yilga hukm qildi
16:41